Կանաչ լույս՝ թուրք գործակալների համար. Արևմուտքի և Փաշինյանի համատեղ «օպերացիան»

Ազգային ժողովը վավերացրել է Հայաստանի Հանրապետության և Եվրոպական միության միջեւ Հայաստանում Եվրոպական միության առաքելության (ՀԵՄԱ) կարգավիճակի մասին համաձայնագիրը։ Նախագիծն ընդունվեց ԱԺ հերթական նիստում՝ ստանալով 57 կողմ, 0 դեմ, 27 ձեռնպահ ձայներ: Հայաստանի Հանրապետությունում ԵՄ առաքելությունը, այդ թվում՝ դրա բաղադրատարրերը, ստորաբաժանումները, գլխամասային գրասենյակները և անձնակազմը մաքսային և հարկային հարցերում Հայաստանի Հանրապետության իրավասու գերատեսչությունների կողմից դիտարկվելու են որպես դիվանագիտական կարգավիճակ ունեցող ներկայացուցչություն։ Ըստ համաձայնագրի՝ դիտորդների կարգավիճակը մոտ է դիվանագիտական կարգավիճակին այն իմաստով, որ նրանք և նրանց ծառայողական գույքը (մեքենաներ, տեխնիկա և այլն) ենթակա չեն մաքսային զննման և Հայաստանում գրանցման ստանդարտ ընթացակարգերի:

Դիտորդները կօգտվեն իրավական անձեռնմխելիությունից՝ իրենց դիտորդական գործառույթների կատարման առումով։ Այն շենքերը, որտեղ գտնվում է առաքելությունը, անձեռնմխելիության կարգավիճակ կունենան և խուզարկության ենթակա չեն լինի։ Առաքելության նամակագրությունն ու արխիվները նույնպես անձեռնմխելի կլինեն։ Հայաստանը ստանձնում է առաքելության անդամների անվտանգության ապահովման ողջ պատասխանատվությունը, այդ թվում՝ անհրաժեշտության դեպքում նրանց տարհանման անվճար կազմակերպումը: ՀՀ իշխանությունները պատրաստակամություն են հայտնում պետական շենքեր և շարժական գույք տրամադրել, եթե դրանք անհրաժեշտ լինեն դիտորդական առաքելություն իրականացնելու համար: Եթե այդ նպատակով մասնավոր գույք օգտագործելու անհրաժեշտություն առաջանա, Հայաստանը պարտավորվում է աջակցել դրա սեփականատերերի և ՀԵՄԱ-ի միջև պայմանագրերի կնքմանը։ Համաձայնագիրն անժամկետ բնույթ է կրում և պաշտոնապես ուժի մեջ մտած կհամարվի ԵՄ և ՀՀ համապատասխան մարմիններում դրա վավերացման ընթացակարգի ավարտից հետո:

Իսկ այժմ այս համաձայնագրի ամենավտանգավոր և թերևս կարևոր կետը, ԵՄ առաքելության կազմում կարող են ընդգրկվել նաև ԵՄ անդամ չհանդիսացող երկրների քաղաքացիները: Այսինքն՝ սա նշանակում է, որ, օրինակ, Թուրքիան ԵՄ դիտորդական առաքելությանը մաս կազմելով կարող է հանգիստ մուտք գործել ՀՀ, ստանալ հնարավորություն այցելելու ռազմավարական օբյեկտներ և կարելի է ասել՝ զբաղվել դասական լրտեսությամբ: Հավաքագրված տվյալները, անշուշտ, հետագայում օգտագործվելու են հենց ՀՀ–ի դեմ: Վերջին շրջանում ԵՄ-ն հայտարարում է՝ Թուրքիայի հետ հարաբերությունները կարգավորելու անհրաժեշտության մասին՝ փաստացի առաջարկելով տարածաշրջանում ՌԴ-ին փոխարինել հենց Թուրքիայով: Իսկ ՀՀ իշխանությունները, որոնք բառացիորեն կատարում են արևմտյան կուրատորների բոլոր հրահանգները, դժվար թե խոչընդոտեն թուրք պոտենցիալ լրտեսների մուտքը ՀՀ: Նշանակում է, որ Արևմուտքի ասեղը թելող Փաշինյանն ու թիմակիցները հերթական ականն են դնում ՀՀ ազգային անվտանգության տակ:

Այս թեմայով Էկեք էրեխեքի ոտներից մեծ խաչքարներ կապենք և ասենք՝ Վարդան Մամիկոնյանի սերունդն եք. Նիկոլ Փաշինյան (տեսանյութ) Բաքվին առաջարկում եմ հրադադարի ռեժիմի խախտման հետաքննության մեխանիզմ ստեղծել. Փաշինյան (տեսանյութ) Հունիսի 12-ի կատարվածի գլխավոր պատասխանատուն Նիկոլ Փաշինյանի վարչախումբն է. ՀԱԿ Եթե Նիկոլ Փաշինյանը լիներ փողոցում, մահեր էին լինելու, ինչպես դա եղել է 2008-ի Մարտի 1-ին. Մինասյան (տեսանյութ) Ասում են՝ մի տեղից ջուրը 10 կգ ոսկի է քշել տարել, դա մեր գործը չի, բանաձևերով առաջնորդվեք. Փաշինյան (տեսանյութ) Քանի որ մեր տեղեկություններն ավելի գաղտնի են, քան մյուսներինը, դեռ թուղթ ենք օգտագործում. Փաշինյան (տեսանյութ) ՀՅԴ-ն արձանագրում է՝ տեղի ունեցածի անվերապահ մեղավորն ու պատասխանատուն Նիկոլ Փաշինյանն է Եթե 2018-ին լեզուս պտտվեր՝ ասեի ԼՂ-ն Ադրբեջանի կազմում է, ինձ ոչ մեկ չէր թողնի, որ շարունակեի․ Փաշինյան (տեսանյութ) Լևոն Տեր-Պետրոսյանը կղերաֆեոդալական խաբեության մաս է կազմել. Փաշինյան (տեսանյութ) ՀՀ-ի կղեաֆիոդալական էլիտան ԼՂ հարցում ժողովրդին խաբել է, որ իշխանությունը զավթի. Փաշինյան (տեսանյութ)