«Կրոկուսի» ահաբեկիչների համար պատրաստել էին «պատուհան» Ուկրաինա փախչելու համար. Պուտին (տեսանյութ)

Ահաբեկիչների համար, որոնք հրաձգություն էին կազմակերպել մերձմոսկովյան «Կրոկուս սիթի հոլ» համերգասրահում, պատրաստել էին «պատուհան» Ուկրաինա փախչելու համար, ռուսաստանցիներին հղած իր ուղերձում ասել է երկրի նախագահ Վլադիմիր Պուտինը։

Նա տեղեկացրել է ահաբեկչությունը կատարած չորս անձանց բռնվելու մասին, որոնք փորձել են մեքենայով փախչել Ուկրաինայի ուղղությամբ։

ՌԴ նախագահի խոսքով՝ քննչական եւ իրավապահ մարմինները կանեն ամեն ինչ, որպեսզի պարզեն «Կրոկուս սիթի հոլի» ահաբեկչության բոլոր մանրամասները։

«Ահաբեկիչներին, մարդասպաններին, ահավոր մարդկանց, որոնք չունեն եւ չեն էլ կարող ունենալ ազգություն, աննախանձելի ճակատագիր է սպասվում՝ հատուցում եւ մոռացում։ Նրանք ապագա չունեն»,- ասել է Պուտինը։

«Ակնհայտ է, որ մենք բախվել ենք խաղաղ մարդկանց կազմակերպված զանգվածային սպանության»,- նշել է ՌԴ նախագահը։

Նրա խոսքով՝ հանցագործները սառնասրտորեն գնացել են սպանելու, դիմահար գնդակահարելու ռուսաստանցիներին, ինչպես մի ժամանակ գործում էին նացիստները։

Ռուսաստանի նախագահը նշել է, որ Մոսկվայում եւ Ռուսաստանի մյուս տարածաշրջաններում մտցվել են լրացուցիչ հակաահաբեկչական եւ հակադիվերսիոն միջոցներ։

«Մոսկվայում եւ Մերձմոսկվայում, երկրի բոլոր տարածաշրջաններում մտցվել են հակաահաբեկչական եւ հակադիվերսիոն բնույթի լրացուցիչ միջոցներ։ Գլխավորն այժմ այն է, որ թույլ չտրվի նրանց, ովքեր կանգնած են այս արյունալի սպանդի հետեւում, նոր հանցագործություն կատարել»,- ասել է նա։

«Մենք կպարզենք եւ կպատժենք յուրաքանչյուրին, ով պատրաստել է Ռուսաստանին ուղղված այս հարվածը... Բոլոր հանցակիցները պատիժ կկրեն։ Ով էլ որ լինեն։ Ով էլ որ նրանց ուղարկած լինի։ Մենք կպարզենք ու կպատժենք յուրաքանչյուրին, ով պատրաստել է Ռուսաստանին ուղղված այս հարվածը»,- ասել է Ռուսաստանի նախագահը։

Նա հայտնել է նաեւ, որ իշխանությունները պատրաստ են միավորել ջանքերը այլ երկրների հետ միջազգային ահաբեկչության դեմ պայքարում։ «Մեր պարտքն է՝ լինել միասին մեկ շարքում։ Ոչ ոք եւ ոչինչ չի կարող սասանել մեր համախմբվածությունն ու կամքը»,- նշելէ ՌԴ նախագահը։

Այս թեմայով Ռուսաստանը ավելի քան 20 անգամ ավելացրել է զինամթերքի արտադրությունը. Պուտին Ռուսաստանը կարող է հարվածել Ուկրաինային զենք մատակարարող երկրներին. Պուտին ՌԴ-ն երբեք չի միջամտել և չի պատրաստվում միջամտել ԱՄՆ-ի ներքաղաքական գործընթացներին․ Պուտին «Հյուսիս-Հարավ» տրանսպորտային միջանցքի նախագիծը, անկասկած, կյանքի կկոչվի. Պուտին Փաշինյան-Պուտին հեռախոսազանգ՝ երկար դադարից հետո․ ի՞նչ հարցեր են քննարկվել Մենք մեծ նշանակություն ենք տալիս Բաքվի հետ դաշնակցային հարաբերություններին. Պուտին Մենք մեծ նշանակություն ենք տալիս Բաքվի հետ դաշնակցային հարաբերություններին․ Պուտին Ռայիսիի մահը մեծ կորուստ է, նա իր խոսքի տեր մարդ էր, ում հետ կարելի էր վստահ աշխատել․ Պուտին Կներեք, խնդրում եմ, մենք շուտով կհեռանանք. Պուտին Պուտինն ստորագրել է Միշուստինին ՌԴ կառավարության ղեկավար նշանակելու մասին հրամանագիրը