Իսրայելը հայտարարել է, որ պատերազմ չի ցանկանում Իրանի և Լիբանանի հետ, բայց հարձակման դեպքում պատրաստ է դրան

Իսրայելի արտաքին գործերի նախարար Իսրայել Կացը, որն ավարտում է այցը Իտալիա, ասել է, որ իր երկիրը պատերազմ չի ցանկանում ո՛չ Իրանի, ո՛չ էլ Լիբանանի հետ, բայց հարկադրված կլինի ռազմական գործողությունների դիմել ուղղակի հարվածների դեպքում, այս մասին Կացը հայտնել է La Repubblica թերթին տված հարցազրույցում։

«Եթե Իրանն ուղղակիորեն հարձակվի մեզ վրա, մենք կհարձակվենք Իրանի վրա։ Իսկ եթե Իրանի դաշնակից աշխարհազորայինները նման բան անեն Դամասկոսի հյուպատոսարանի վրա հարձակմանն ի պատասխան, մենք նրանց նույնպես կհարվածենք», - ասել է նա՝ հիշեցնելով, որ Իսրայելը չի ստանձնել ապրիլի 1-ին Դամասկոսում Իրանի հյուպատոսության վրա ավիահարվածի պատասխանատվությունը։

Ապրիլի 1-ին տեղի ունեցած հարձակման հետևանքով զոհվել են Իսլամական հեղափոխության պահապանների կորպուսի (ԻՀՊԿ) յոթ զինվորական խորհրդական և վեց սիրիացի: Իրանն այս հարձակման մեջ մեղադրում է Իսրայելին։

Կացի խոսքով՝ մինչ այժմ Իսրայելի արձագանքը Լիբանանից «Հեզբոլլահ»-ի և Եմենի հութիների կողմից հրթիռների արձակմանը Գոլանի և Էյլաթի ուղղությամբ եղել է «զուսպ»։

«Բայց եթե, օրինակ, Լիբանանից հրթիռներ թռչեն Թել Ավիվի վրա՝ որպես վրեժ Դամասկոսի համար, Իսրայելը կուղարկի իր ինքնաթիռները և նույնիսկ զինվորներին», - ասել է նախարարը։

Նա հավելել է, որ հազարավոր իսրայելցիներ ստիպված են եղել լքել իրենց տները «Հեզբոլլահ»-ի արձակած հրթիռների պատճառով:

«Եթե նրանք հետ չքաշվեն Լիտանի գետից այն կողմ, ինչպես նախատեսված է ՄԱԿ-ի թիվ 1701 բանաձևով, ապա մենք ստիպված կլինենք պատերազմ սկսել նաև Բեյրութի հետ: Մենք դա չենք ցանկանում, նախընտրում ենք հետևել բանակցությունների ուղուն՝ ԱՄՆ-ի, Ֆրանսիայի, Իտալիայի և մյուսների աջակցությամբ, որոնք զորակազմեր ունեն այս գոտում», - ասել է Կացը:

Այս թեմայով Ես պատրաստ եմ ցանկացած պաշտոնյայի հրապարակային ապացուցել, որ իրենք ժողովրդավարության հետ կապ չունեն. Սուրեն Պետրոսյան ԱՄՆ-ն պատժամիջոցներ է սահմանել Իրանի դեմ Այսօր անակնկալ, բայց շատ կարևոր այց է լինելու Իսրայելը պատրաստ է 42 օրով դադարեցնել գnրծnղnւթյունները Գազայում. Նեթանյահու Իրանի խորհրդարանի ղեկավարն առաջադրել է իր թեկնածությունը նախագահական ընտրություններում ԱԱԾ-ն և դատախազությունը հայտարարել են, որ ես գործակալ չեմ և միլիոններ չեմ ստացել, պատասխանը ո՞վ կտա (տեսանյութ) Հսկում ենք ոստիկաններին, չեմ հավատում, որ իրապես ոստիկանական շարքերից են, բայց հետևելու ենք. Սրբազան (տեսանյութ) Թրամփը պատրաստ է գաղտնազերծել Քենեդու սպանության և սեպտեմբերի 11-ի հարձակումների վերաբերյալ փաստաթղթերը Իսրայելը հարվածել է Սիրիային. կա 17 զոհ (լուսանկարներ) Իրանում հունիսի 28-ին կանցկացվեն նախագահական արտահերթ ընտրություններ․ գրանցվել է նախագահի 20 թեկնածու