Ստոլտենբերգը հայտնել է, որ ՆԱՏՕ-ի շահերից չի բխում ՌԴ-Ուկրաինա հակամարտության կողմ դառնալը

ՆԱՏՕ-ի գլխավոր քարտուղար Յենս Ստոլտենբերգն այն կարծիքին է, որ դաշինքի որևէ երկրի ներգրավումն Ուկրաինայի հակամարտության մեջ կխարխլի կազմակերպության միասնությունը և սպառնալիքի տակ կդնի Կիևին հետագա աջակցությունը։

«Կան տարբեր տեսակետներ, բայց ՆԱՏՕ-ի շահերից է բխում օգնությունը ցուցաբերել այնպես, որպեսզի դա դաշինքը չդարձնի հակամարտության կողմ: Դաշինքի ճնշող մեծամասնությունն աջակցում է Ուկրաինային, բայց դաշինքի անդամներից շատերը պատրաստ չեն գնալ Ռուսաստանի և ՆԱՏՕ-ի լայնածավալ հակամարտության: Ուստի կարծում եմ, որ Ուկրաինային օգնության շարունակական հոսք ապահովելու համար անհրաժեշտ է ապահովել, որ դաշինքն անմիջականորեն չներգրավվի հակամարտության մեջ: Հակառակ դեպքում Ուկրաինային օգնություն ցուցաբերելու հարցի շուրջ միասնությունը կխախտվի», - հայտարարել է նա։

ՆԱՏՕ-ի գլխավոր քարտուղարի խոսքով` «որքան ուժեղ է Ուկրաինային աջակցությունը, այնքան ավելի զգույշ պետք է լինել գործողությունների կոչերում, որոնք կարող են մեզ պառակտել»:

«Մենք միասնություն ունենք օգնություն ցուցաբերելու հարցում, բայց չկա միասնություն (հակամարտությունում) ուղղակի ներգրավվածության հարցում: Եթե ​​ՆԱՏՕ-ի ուժերն անմիջականորեն ներգրավվեն հակամարտության մեջ՝ գրոհելով ռուսական միջոցների վրա Ուկրաինայի ցամաքում կամ օդում, ապա մենք կհայտնվենք այնպիսի իրավիճակում, երբ ՆԱՏՕ-ի համար դժվար կլինի մնալ հակամարտությունից դուրս», - պարզաբանել է նա։

«Ուկրաինային տրված սպառազինությունն ուկրաինական է և դադարում է մերը լինել, և Ուկրաինան ունի ինքնապաշտպանության իրավունք», - նշել է գլխավոր քարտուղարը։

Ուստի նրա խոսքով՝ Ուկրաինան կարող է զենք օգտագործել ՌԴ-ի ​​այն ռազմական թիրախներին հարվածելու համար, որոնք օգտագործվում են ուկրաինական տարածքի վրա գրոհների համար։

Բուլղարիայում ընթանում է ՆԱՏՕ-ի խորհրդարանական վերաժողովի գարնանային նստաշրջանը, որին մասնակցում են ՆԱՏՕ-ի երկրների և նրա 25 գործընկեր երկրների շուրջ 400 խորհրդարանականներ։

Այս թեմայով Սպիտակ տունը հայտնել է ՆԱՏՕ-ին Ուկրաինայի անդամակցության պայմանները Հայաստանի անցումն ԱՄՆ-ի և ՆԱՏՕ-ի «թղթե հովանոցի» տակ անհնարին կդարձնի ՀԱՊԿ-ի շրջանակում միասնական տարածքի պահպանումը. Գալուզին ՆԱՏՕ-ն քննարկում է միջուկային զենքը մարտական ​​պատրաստության բերելու հարցը. Ստոլտենբերգ Պաղեստինի Կարմիր մահիկը հայտնել է իսրայելական ուժերի կողմից իր աշխատակիցների գերեվարման մասին Պենտագոնը հայտնել է՝ ՆԱՏՕ-ն 2022-ից ի վեր որքան զենք է մատակարարել Ուկրաինային Ստոլտենբերգը հայտարարել է՝ Ուկրաինային զենքի մատակարարումը պարտադիր կդառնա Գերմանիայի պաշտպանության նախարարությունը զգուշացրել է՝ Ռուսաստանը կարող է հարձակվել ՆԱՏՕ-ի վրա Պուտինը հայտնել է՝ երբ է հանդիպելու Էրդողանի հետ ԳՇ պետի տեղակալը կարևորել է ՆԱՏՕ-ի հետ համագործակցությունը` պաշտպանության ոլորտի կերպափոխման գործում Շվեյցարիայի գագաթնաժողովը կարող է հիմք ստեղծել ՌԴ-ի հետ հակամարտության կարգավորման համար. Մակրոն