Նախագահը և Իտալիայի դեսպանը քննարկել են համագործակցության հետագա զարգացման օրակարգային հարցեր

Հանրապետության նախագահ Վահագն Խաչատուրյանն Իտալիայի Ազգային տոնի՝ Հանրապետության օրվան ընդառաջ ընդունել է Իտալիայի Հանրապետության արտակարգ և լիազոր դեսպան Ալֆոնսո Դի Րիզոյին:

Ողջունելով հյուրին նախագահը շնորհավորել է տոնի առթիվ և հաջողություններ մաղթել Իտալիայի ժողովրդին և ղեկավարությանը: Այս մասին հայտնում են ՀՀ նախագահի աշխատակազմից։

«Հանրապետության տոնն Իտալիայի և կարծում եմ ցանկացած ժողովրդավարական պետության համար կարևորագույն խորհրդանշական օրերից մեկն է, որի խորհուրդը ժողովրդավար, բարեկեցիկ ու զարգացող երկիր ունենալու ձգտման մեջ է»,- նշել է նախագահը:

Դեսպանը շնորհակալություն է հայտնել ընդունելության և ջերմ խոսքերի համար և շեշտել, որ իր ջանքերն է ներդնում, որպեսզի Իտալիայի Ազգային տոնին նվիրված միջոցառումները ծառայեն երկու երկրների միջև հարաբերությունների զարգացմանն ու ամրապնդմանը:

Հանդիպման ընթացքում քննարկվել են Հայաստանի և Իտալիայի միջև համագործակցության հետագա զարգացման օրակարգային հարցեր: Անդրադարձ է կատարվել մշակույթի, կրթության և այլ ոլորտներում առկա փոխգործակցային ներուժի իրականացման հնարավորություններին և այս ուղղությամբ անհրաժեշտ քայլերին:

Երկուստեք դրական է գնահատվել Հայաստանի և Իտալիայի միջև ուղիղ թռիչքների նշանակալի աճը, ինչի արդյունքում զգալիորեն ավելացել են երկու երկրների քաղաքացիների փոխայցելությունները, ինչպես նաև նոր հնարավորություններ են ստեղծվել առևտրատնտեսական փոխգործակցության խթանման, առևտրաշրջանառության ծավալների ընդլայնման համար:

Զրույցի ընթացքում մտքեր են փոխանակվել տարածաշրջանային ընդհանուր իրադրության և զարգացումների վերաբերյալ: Հանրապետության նախագահն ընդգծել է, որ Հայաստանը հաստատակամորեն շարժվում է հարևանների հետ բարիդրացիական հարաբերությունների հաստատման և հարավկովկասյան տարածաշրջանում կայուն ու հարատև խաղաղության հասնելու ուղիով:

Այս թեմայով Ադրբեջանն ի հայտ է բերում նոր խնդիրներ, ինչն առնվազն հարցեր է առաջացնում. Միրզոյանը՝ Լիտվայում Փոխվարչապետն ու ՄԱԿ պաշտոնյան քննարկել են ՀՀ կանաչ փոխակերպմանը վերաբերող հարցերի լայն շրջանակ Մեր քաղաքական դաշտում մինչև 2018թ. չի եղել նման բան, որ ԱԺ նախագահը դատի տա ամեն 2-րդին. Դանիելյան ԱԽ քարտուղարը ԵԱՀԿ Մինսկի խմբի Ֆրանսիայի համանախագահի հետ խոսել է համագործակցության հեռանկարի մասին ՀՀ պատվիրակությունը ԳԴՀ բուհերում քննարկել է ակադեմիական քաղաքի շրջանակում համագործակցության հնարավորությունները Վահագն Խաչատուրյանին իր հավատարմագրերն է հանձնել Հայաստանում Մալթայի նորանշանակ դեսպանը Հարությունյանը և Մարագոսը քննարկել են ՀՀ-ԵՄ համագործակցության օրակարգային մի շարք հարցեր Սուրեն Պետրոսյանը պատմել է եղելությունը. հարցեր ունենք իրեն. պետք է որոշենք՝ ճանապարհն իր հետ անցնո՞ւմ ենք, թե՞ ոչ. Սրբազան (տեսանյութ) ԱԳ փոխնախարարը Մալթայի նորանշանակ դեսպանի հետ քննարկել է «խաղաղության խաչմերուկ» նախագիծը ՀՀ-ում ԱՄՆ դեսպանը ընդունելություն էր կազմակերպել․ ներկա էր փոխարտգործնախարարը