Արմավիրում զինված անձը տան վրա հարձակում է գործել․ մանրամասներ (տեսանյութ)

Մայիսի 27-ի գիշերը, ժամը 4.05-ին, օպերատիվ կառավարման կենտրոնից Արմավիրի բաժին ստացվեց հաղորդում: Արմավիրի մարզի Բամբակաշատ գյուղի բնակիչն ահազանգել էր, թե քիչ առաջ տան վրա հարձակում են գործել, մոտները կարծես զենք կա:

Բաժնի օպերատիվ խումբը մեկնում է Բամբակաշատ: Պարզվում է, որ նույն գյուղի բնակիչ 46-ամյա տղամարդը, կոտրելով պատուհանի ապակին, մտել է տուն, և երբ տանտերը ձայներից արթնացել է, դիմել է փախուստի:
Նախաձեռնվեց քրեական վարույթ: Տղամարդու ինքնությունը պարզելուց հետո ոստիկանության Արմավիրի մարզային վարչության, Արմավիրի բաժնի և մարզի պարեկային ծառայության աշխատակիցները մեկնեցին նրա տուն: Տեղեկությունը, որ նա կարող է զինված լինել, կասկած չէր հարուցում, ուստի հարկավոր էր լինել հատկապես ուշադիր և զգոն:

Պարզվեց, որ 46-ամյա տղամարդը թաքնվում է նկուղում: Ոստիկանները համոզում են նրան դուրս գալ, սակայն տղամարդը հրաժարվում է, անընդհատ գոռում է, թե մոտը զենք կա, և եթե ներս մտնեն` իրեն կվնասի: Իրավապահները սկսում են բանակցել նրա հետ: Մոտ հինգ ժամ տևած բնակացությունների ընթացքում տղամարդը մի քանի անգամ կրակում է: Արդեն ժամը ինն անց կեսի սահմաններում, երբ ոստիկանները, պահպանելով անվտանգությունը, մոտենում են, տղամարդը երկփողանի հրացանի նմանվող առարկայով կրկին փորձում է կրակել, սակայն ինքաշեն զենքը չի գործում:

Ոստիկաններին հաջողվում է նրան վնասազերծել, ժամը 9.40-ին ձերբակալել և տեղափոխել ոստիկանության Արմավիրի բաժին:

Խուզարկությամբ նրա մոտ հայտնաբերվել են ինքնաձիգի փամփուշտ կրակելու համար նախատեսված երկփողանի հրազենի նմանվող առարկա` յուրաքանչյուր փողում ինքնաձիգի մեկ փամփուշտ, տարատեսակ 12 փամփուշտ, գազային ատրճանակի փամփուշտ կրակելու համար նախատեսված ինքնաշեն սարք, գաղտնի փականով ծալովի դանակ, լապտեր ու բջջային հեռախոս։

Տղամարդը հայտնել է, որ ինքնաշեն հրազեն-առարկաներն ինքն է պատրաստել, դանակը և լապտերը գնել է խանութից, իսկ ինքնաձիգի փամփուշտները տարիներ առաջ գտել է։ Նա և կազմված փաստաթղթերը ներկայացվել են Արմավիրի մարզային քննչական վարչություն:

Քննիչի որոշմամբ 46-ամյա տղամարդը ձերբակալվել ու տեղափոխվել է ձերբակալվածների պահման վայր։
Նախաքննությամբ հանգամանքները պարզվում են:

Այս թեմայով «Ավտոբուսի գործով» դատական նիստը. Մելիքյան (տեսանյութ) Արամ Զավենի Սարգսյանի հետ կապված մարդու ընկերությանը 280 միլիոն դրամ և խայտառակ շինթույլտվություն են տվել. քաղաքական առևտուր է Երևանի քաղաքապետարանում. Մանուկյան 25-օրյա վարժական հավաքներ. պահեստազորայինները վերհիշում են ռազմական գիտելիքները (տեսանյութ) Անդառնալիության կետը չենք հաղթահարել, պետության և չպետության արանքում տեղապտույտ ենք տալիս․ Փաշինյան (տեսանյութ) Էդ որ ասում եք` 10 մլն հայ, մի տեղ կա՞ էդ ցուցակը, որ մեկն ասի` չկա, կասեն անգրագետ ա․ Փաշինյան (տեսանյութ) ՀՀ-ն չպետք է որպես սրբապատկեր ընկալել, որի առաջ մոմ են վառում, դա կենդանի օրգանիզմ է․ Նիկոլ Փաշինյան (տեսանյութ) Փհենյանում Պուտինը նստել է Aurus-ի ղեկին, Կիմ Չեն Ընը՝ ուղևորի նստարանին (տեսանյութ) Այսօր բանակում ծառայող շատ սպաներին ասել եմ՝ ժամանակը կգա, իրար աչքերի մեջ կնայենք․ Սրբազան (տեսանյութ) Իսկ Երևանը բարձրացնու՞մ է Ռուբեն Վարդանյանի ազատության հարցը Բաքվի հետ բանակցություններում. Զախարովա (տեսանյութ) Վեհափառն ինձ ասել է՝ քո անձնական որոշումն է. իմ անձի համար մտահոգություն է ունեցել. Սրբազան (տեսանյութ)