ՀՀ-ն կողմ է քվեարկել Վրաստանից տեղահանված փախստականների վերադարձի իրավունքի մասին ՄԱԿ-ի գլխավոր վեհաժողովի բանաձևին

ՄԱԿ-ի գլխավոր ասամբլեան ընդունել է բանաձև, որով հաստատել է բոլոր տեղահանված անձանց և փախստականների վերադարձի իրավունքն Աբխազիա և Ցխինվալ, հաղորդում է «Արմենպրես»-ը։ 

Բանաձևն ընդունվել է 103 «կողմ», 9 «դեմ» և 53 «ձեռնպահ» ձայներով։

Ի տարբերություն նախորդ տարիների՝ Հայաստանն այս անգամ կողմ է քվեարկել բանաձևին։ Անցած տարի նույնատիպ բանաձևի  քվեարկության համեմատ այս անգամ 3-ով ավելացել է կողմ արտահայտվող երկրների թիվը, 6-ով պակասել են ձեռնպահ քվեարկող երկրները։ 

Ըստ բանաձևի՝ «բոլոր ներքին տեղահանված անձինք ու փախստականները, ինչպես նաև նրանց սերունդները, անկախ էթնիկ պատկանելությունից, իրավունք ունեն վերադառնալու իրենց տները Վրաստանում, այդ թվում՝ Աբխազիայում և Ցխինվալի շրջանում (Հարավային Օսիա)»։

Բանաձևը շեշտում է «Վրաստանում հակամարտություններից տուժած բոլոր ներքին տեղահանված անձանց և փախստականների գույքի իրավունքը հարգելու և այդ իրավունքների խախտմամբ գույքը ձեռք բերելուց զերծ մնալու անհրաժեշտությունը»։

Փաստաթուղթը վերահաստատում է «ժողովրդագրական պարտադրված փոփոխությունների անընդունելիությունը», շեշտում է մարդասիրական գործունեության անարգել մուտքի հրատապ անհրաժեշտությունը «բոլոր ներքին տեղահանված անձանց, փախստականների և այլ անձանց համար, որոնք բնակվում են հակամարտությունից տուժած բոլոր հատվածներում Վրաստանի տարածքում»։

Բանաձևով նաև Ժնևյան քննարկումների բոլոր մասնակիցներին կոչ է արվում մեծացնել ջանքերը կայուն խաղաղություն հաստատելու, վստահության կառուցման միջոցառումներն ընդլայնելու, մարդու իրավունքները հարգելու ուղղությամբ անհապաղ քայլեր ձեռնարկելու, անվտանգային նպաստավոր պայմաններ ստեղծելու ուղղությամբ, որպեսզի բոլոր ներքին տեղահանված անձինք և փախստականները կարողանան կամավոր, ապահով, արժանապատիվ կերպով և անարգել վերադառնալ իրեն ծագման վայրեր։

Փաստաթուղթը նաև ընդգծում է այս գործընթացը կազմակերպելու համար ժամանակացույց մշակելու անհրաժեշտությունը։

Այս թեմայով Սուրեն Պետրոսյանն իր «անհետանալու» մասին պատմել է 24news–ին Բագրատ Սրբազանը խոսում է քաղցկեղից բուժված երեխաների համար վերականգնողական կենտրոնի մասին (տեսանյութ) «Տավուշը հանուն հայրենիքի» շարժումը հայտարարում է նոր կոնցեպտով հավաքի մասին Թրամփը խոսել է ԱՄՆ-ի և Չինաստանի միջև պատերազմի հավանականության մասին Հուսով ենք՝ Երևանը կհստակեցնի իր կարգավիճակը կազմակերպությունում. ՀԱՊԿ գլխավոր քարտուղար ԵՄ-ն շարունակում է կոչ անել Ադրբեջանին ապահովել իրենց տները վերադառնալու ԼՂ հայերի իրավունքի իրացումը Լույս է տեսել Արցախի թեմի առաջնորդի՝ ադրբեջանական վանդալիզմի մասին պատմող գիրքը Պուտինն ու Կիմ Չեն Ընը համաձայնագիր են ստորագրել երկրներից մեկի վրա հարձակման դեպքում ռազմական օգնության մասին Անահիտ Մանասյանն ընդունել է «Գարդման-Շիրվան-Նախիջևան» համահայկական միության և «Լեռնային Ղարաբաղի փախստականների իրավապաշտպան միություն» ՀԿ նախագահներին Սինանյանը Փաշինյանի օրոք ցուցարարների վրա նռնակ նետելու մասին հարցին ոտքի վրա չի կարող պատասխանել