Գանգի, դիմային ոսկրերի ու այլ կոտրվածքներ. ԲԿ-ն մանրամասներ է հայտնել պատուհանից ընկած երեխայի վիճակից
Հասարակություն![Գանգի, դիմային ոսկրերի ու այլ կոտրվածքներ. ԲԿ-ն մանրամասներ է հայտնել պատուհանից ընկած երեխայի վիճակից](/timthumb.php?src=disc/06-06-24/aa7453fc0c3ed569427f7b4f6cb1d621.jpg&w=780)
Սուրբ Աստվածամայր բժշկական կենտրոնը նոր մանրամասներ է հայտնել երկրորդ հարկի պատուհանից ընկած երեխայի առողջական վիճակից:
Նշվում է, որ նա «Սուրբ Աստվածամայր» բժշկական կենտրոն է տեղափոխվել ծանր վիճակում՝ գիտակցության խանգարումներով։
«Կատարվել է ԿՏ հետազոտություն՝ հայտնաբերվել է գանգի, դիմային ոսկրերի կոտրվածքներ և աջ ազդրոսկրի կոտրվածք:
Երեխայի մոտ նկատվում է դրական դինամիկա։
Վիճակը ծանր կայուն է, գտնվում է վերակենդանացման բաժանմունքում՝ բժիշկների հոգատարության ու ուշադրության կենտրոնում»,-ասվում է հաղորդագրության մեջ։
Ավելի վաղ հայտնել էինք, որ երեխան Կոտայքի մարզի բնակիչ 8-ամյա Մ․Գ․-ն է, որն իրենց տան 2-րդ հարկում գտնվող բաց պատուհանի ցանցի պոկվելու հետևանքով վայր է ընկել, որի հետևանքով էլ ստացած մարմնական վնասվածքով տեղափոխվել է «Արմենիա», այնուհետև՝ «Սուրբ Աստվածամայր» բժշկական կենտրոն։
![](banners/armflix.jpg)