Կսահմանվի կիբերհանցագործությունների ցանկ, IP հասցեն կտրամադրվի դատական վերահսկողության շրջանակներում

Կառավարությունը կսահմանի կիբերհանցագործությունների ցանկ՝ առանձին հավելվածի տեսքով։ Ազգային ժողովի պետական-իրավական հարցերի մշտական հանձնաժողովի նիստում համապատասխան նախագիծը ներկայացրեց ՀՀ ներքին գործերի նախարարի տեղակալ Արփինե Սարգսյանը։

«Կառավարությունը կսահմանի կիբերհանցագործությունների ցանկ՝ առանձին հավելվածի տեսքով, որը թույլ կտա թե՛ միջազգային մակարդակներում, թե՛ նաև ներպետական մակարդակներում նույնականացնել կիբերհանցագործությունները։ Ցանկը բխում է մեր միջազգային պարտավորություններից, դրանք Բուդապեշտի կոնվենցիայով նախատեսված հանցագործություններն են»,- ասաց Սարգսյանը։

Նրա խոսքով՝ երկրորդ փոփոխությունը վերաբերվում է քրեադատավարական ընթացակարգերին։

«Առաջարկում ենք քրեադատավարական օրենսգրքում հստակ տարանջատել բաժանորդային, փոխանցվող և բովանդակային տվյալները։ Այսօր IP հասցեն տրամադրվում է ոչ թե դատական վերահսկողության տիրույթի շրջանակներում, այլ քննիչի համապատասխան որոշման հիման վրա՝ դատախազի հաստատմամբ։ Բայց կան ՄԻԵԴ-ի մի շարք վճիռներ, որտեղ նշվում է, որ IP հասցեն բովանդակային շատ լուրջ տեղեկություն կարող է տալ անձի մասին, այդ թվում՝ համացանցում նրա ամբողջ տեղաշարժի մասին կարող է տեղեկություն տալ։ IP հասցեից կարող ենք գալ դեպի բաժանորդային տվյալների ստացում և հստակ նույնականացնել, թե ով է տվյալ անձը, որը համացանցում այս կամ այն կայքէջն է օգտագործել կամ այս կամ այն գործողությունները կատարել։ Հետևաբար, Եվրոպական դատարանը գտնում է, որ ՄԻԵԴ-ի 8-րդ հոդվածի տրամաբանության մեջ սա պետք է լինի դատական վերահսկողության առարկա։ Ըստ այդմ, առաջարկում ենք IP հասցեն ստանալ դատական վերահսկողության շրջանակներում»,- ասաց Սարգսյանը։

Այս թեմայով Ինչու են դադարել Վիգեն Քոչարյանի Բարձրագույն դատական խորհրդի անդամի լիազորությունները․ պարզաբանում Դադարել են Վիգեն Քոչարյանի՝ Բարձրագույն դատական խորհրդի անդամի լիազորությունները Խայտառակություն է, Աշոտյանի բուն դատական նիստերը նոր են սկսում, պիտի հասանելի լինեն հանրությանը (տեսանյութ) «Ավտոբուսի գործով» դատական նիստը. Մելիքյան (տեսանյութ) ՈւՂԻՂ. Ալենն Սիմոնյանն ընդդեմ Աշոտ Անդրեասյանի. դատական նիստ. (տեսանյութ) ՈՒՂԻՂ․ Սամսոնյանի և Սաղաթելյանի գործով դատական լսումները շարունակվում են «Վաղը Իջևանի դատարանում սկսվելու է Վահագն Մախսուդյանի գործով դատական առաջին նիստը, առավոտյան gg-ով գնալու եմ Իջևան»․Հովհաննես Խուդոյան Ռուսաստանի ԶՈւ-ն նոր տարածք է վերահսկողության տակ վերցրել Աբրահամը պրոֆեսոր Չարչյանի անձնական վերահսկողության տակ է, դեռ մի քանի օր էլ կմնա հիվանդանոցում Ալեն Սիմոնյանն ընդդեմ Անժելա Թովմասյանի գործով դատական նիստը