Բլինքենը Մերձավոր Արևելքի երկրներին կոչ է արել ճնշում գործադրել ՀԱՄԱՍ-ի վրա Գազայում զինադադարի հասնելու համար

Միացյալ Նահանգները պնդում է, որպեսզի  Մերձավոր Արևելքի երկրները ճնշում գործադրեն  ՀԱՄԱՍ շարժման վրա Գազայի հատվածում զինադադարի քննարկվող պայմանավորվածությունները կյանքի կոչելու համար։

 Ինչպես փոխանցում է ՏԱՍՍ-ը, այս մասին Եգիպտոսի ղեկավարության հետ բանակցություններից հետո Կահիրեի օդանավակայանում լրագրողներին ասել է ԱՄՆ պետքարտուղար Էնթոնի Բլինքենը։

Նրա խոսքով՝ տարածաշրջանի կառավարություններին ու մարդկանց իր ուղերձն այն է, որ եթե ցանկանում են մեղմել Գազայում պաղեստինցիների սարսափելի տառապանքը, պատանդների վերադարձն ու զինադադար, ապա պետք է ճնշում գործադրեն  ՀԱՄԱՍ-ի վրա։

«Եթե մենք հասնենք այս զինադադարին, դա նաև ճանապարհ կհարթի Գազայում ավելի մեծ անվտանգության, հանգստության և խաղաղության համար»,- ասել է Բլինքենը։

Նա ընդգծել է, որ ԱՄՆ-ի և Եգիպտոսի տեսանկյունից համաձայնության գալը հնարավոր է։

Նրա համոզմամբ՝ Եգիպտոսը, Միացյալ Նահանգները և այլ երկրներ կարծում են, որ կարող եք ստիպել կողմերին համաձայնության գալ գործարքի շուրջ։

«Սակայն մեզանից ոչ ոք չգիտի, թե ինչ կա ՀԱՄԱՍ-ի կամ նրա առաջնորդների մտքում: Այսպիսով, մենք չգիտենք, թե ինչ կլինի պատասխանը»,- ասել է ԱՄՆ արտաքին քաղաքականության պատասխանատուն:

Նա հաստատել է, որ ՀԱՄԱՍ-ի հետ բանակցությունները շարունակվում են։

Մայիսի 31-ին ԱՄՆ նախագահ Ջո Բայդենը հրապարակել է խաղաղ համաձայնագրի նոր նախագծի պայմանները, որը բաղկացած է երեք փուլից։

Առաջինը նախատեսված է վեց շաբաթվա համար՝ ներառելով կրակի ամբողջական դադարեցում, իսրայելական զորքերի դուրսբերում Գազայի բնակեցված շրջաններից, պատանդների ու բանտարկյալների փոխադարձ ազատ արձակում:

Այդ ընթացքում կողմերը պետք է սկսեն բանակցությունները, և հրադադարը կգործի մինչև փոխըմբռնման հասնելը։

Երկրորդ փուլը ներառում է բոլոր պատանդների, այդ թվում՝ զինվորականների ազատ արձակումը։

Երրորդ փուլը՝  Գազայի հատվածի վերականգնումն է և զոհված իսրայելցիների աճյունների փոխանցումը հարազատներին։

Այս թեմայով Գործադիրը շուրջ 600 մլն դրամ կհատկացնի երեխա ունեցող ընտանիքների բնակարանային ապահովության ծրագրի համար Նոր դրամաշնորհ Եվրահանձնաժողովի կողմից՝ Հայաստանի համար. Ծրագրի ընդհանուր բյուջեն կազմում է 72 մլն «Էս 15 մլն եվրոն ԵՄ-ից գրանտ ենք ստանում», «Այո’, ԼՂ-ից տեղահանվածների ծրագրերի համար է» ՆԳՆ-ին 30 օր է անհրաժեշտ հունիսի 12-ին հատուկ միջոցների կիրառման հիմքեր հորինելու համար, իսկ այդ ընթացքում Արամ Հովհաննիսյանը կուսումնասիրի Լևոն Երանոսյանի գործը Վեհափառն ինձ ասել է՝ քո անձնական որոշումն է. իմ անձի համար մտահոգություն է ունեցել. Սրբազան (տեսանյութ) Հ1-ն այդ խայտառակ ռեպորտաժի համար պատասխանատվություն չի կրելո՞ւ. Սրբազան Նորածինների շրջանում ևս մեկ հիվանդության վաղ ախտորոշման համար պետական պատվերով այսուհետ կիրականացվի սքրինինգային հետազոտություն Այս մարդկանց համար մարդկային կյանքը ոչ մի արժեք չունի. Սրբազան Վրաստանում ԼԳԲՏ քարոզչության համար տուգանքներ կսահմանվեն Դատախազներն ասում են՝ Նարեկի, Վազգենի խոսքը դատարանը չպիտի սահմանափակեր, դրա համար պիտի նստեն. Մելիքյան