Վաղը ժամը 15։00-ին շատ մեծ թվով պետք է հավաքվենք, որովհետև ասելիք եւ անելիք ունենք. Բագրատ Սրբազան

Այո΄, վաղը չափազանց կարևոր օր է, եթե կուզեք շատ ծանր ու ծանրակշիռ, վաղը ժամը 15։00-ին շատ մեծ թվով պետք է հավաքվենք, որովհետև ասելիք եւ անելիք ունենք: Այս մասին Բաղրամյան պողոտայում հայտարարել է Բագրատ սրբազանը։

«Այն մարդիկ, որոնց դուք վճարում եք, մերժել են ժողովրդի այն հատվածի պահանջը, որը համաձայն չէ այս իրականության հետ։ Եվ դա մեծ մասն է կազմում մեր ժողովրդի։ Այսօր որ անկյունում կանգնես, դրա մասին են խոսում։ Առանցքը կազմում է այս իշխանության մերժումը: Վաղը ժամը 15։00-ին շատ մեծ թվով պետք է հավաքվենք, որովհետև ասելիք եւ անելիք ունենք: Շատ հաստատուն կերպով այս մարդկանց պետք է գործազուրկ դարձնենք։ Իրենք պետք է հասկանան` աղետ է բերում իրենց աշխատանքը, ինչպես նաև մահ և դժբախտություն: Դիմում եմ բոլոր նրանց, ովքեր իրենց սրտում փոփոխության կարիք են տեսնում` ներկա եղեք այստեղ` վերջնական ու վճռական խոսք ասելու այս մարդկանց»,-ասաց նա։

Բագրատ սրբազանը նաեւ հայտարարել է. «Ինձ համար թե՛ աթոռը, թե՛ պաշտոնը ոչ մի բան են։ Ինձ համար առաջնային նշանակությունը մեր հաղթական արդյունքն է։ Հորդորում եմ բոլոր քաղաքական ուժերին ու անձանց, որ իրենց համար էլ այդպես լինի, այլ ոչ թե պաշտոնի ակնկալիքը։ Ակնկալիքը մեկն է՝ Հայրենիք ու Պատիվ»։

Բագրատ Սրբազանը նաեւ նշեց, որ վաղը մեր հերոսի՝ Մոնթե Մելքոնյանի նահատակության օրն է, խորհրդանշական է նաև այդ օրը, քանի որ նահատակների մեկնումը հավասար է նրանց ծնունդին։

«Նահատակությունը չի կարելի շփոթել մեռելության հետ։ Նահատակության փառքի պսակը քչերին է բաժին ընկած։ Շատերն ապրում են, քչերը ստանում այդ պսակը։ Ինչպես Առաքյալն ասում է․ «Բարի պատերազմը պատերազմեցի, հիմա գնում եմ ստանալու Փառքի պսակը»։ Երանի մենք էլ, թե՛ Աստծո առաջ, թե՛ ժողովրդի օրհնանքով ունենանք Փառքի պսակը»։

Այս թեմայով Սրբազան շարժման համախոհների քանակը պետք է ավելացնել՝ գնալով մարզեր եւ անմիջականորեն շփվելով հասարակության բոլոր շերտերի հետ. Արման Վարդանյան «Իմ հիշողության մեջ այսքան մեծ թվով տուժողներ լուսաձայնային նռնակներից մինչեւ այս պահը մենք չենք ունեցել». Նինա Կարապետյանց Կալանավորվածնե'ր, բեմ բարձրացե'ք, շուտ արե'ք, հետ եք գնալու. Բագրատ Սրբազանը կատակեց (տեսանյութ) Բագրատ Սրբազա'ն, հավատում եմ, որ կհաղթես այս պայքարում. 8-ամյա Մարիամը` Սրբազանին (տեսանյութ) Ո'չ ուրացող, ո'չ դավաճանող եմ ձեզ, մեր ճանապարհի նշակետը մեկն է` այս ստախոսին հեռացնելն ու հաղթելը. Սրբազան (տեսանյութ) Սահմանազատման անվան տակ ինքը մեր հայրենիքը պետք է բաժան-բաժան անի ու հանձնի․ դա է ծրագիրը․ Հովհաննիսյան (տեսանյութ) Ժողովրդի վրա նռնակ նետած իշխանությունը հեշտ հեռացողներից չէ, բայց գնալու են. Սրբազան (տեսանյութ) Էն մեծ-մեծ խոսող գործարարներին եմ դիմում` ձեր ընկերներին ճնշում են, ձեզ էլ է հասնելու, պաշտպանեք. Սրբազան (տեսանյութ) Մեզ վրա կրակել են, սպառնացել, վախեցրել ԱԱԾ-ով, բայց մենք թքած ունենք այդ սպառնալիքների վրա․ Գառնիկ Դանիելյան (տեսանյութ) Շարժվում ենք ճիշտ ճանապարհով, ունենք շոշափելի արդյունքներ․ Միրզոյանը՝ ԱՄՆ պետքարտուղարի տեղակալին