Ոստիկանության մի շարք սխալներ և օրինախախտումներ ենք արձանագրել. «Իրազեկ քաղաքացիների միավորում» ՀԿ

«Իրազեկ քաղաքացիների միավորումում» ուսումնասիրեցինք քաղաքացիների և ոստիկանների բախման տեսագրությունները (այդ թվում մեր՝ օդից նկարահանածը): Արձանագրվել է լուսաձայնային նռնակի շուրջ 25 կիրառում (որոշ կադրերում երևում/լսվում է 32 պայթյուն): Այս մասին իր ֆեյսբուքյան էջում գրել է «Իրազեկ քաղաքացիների միավորում» ՀԿ նախագահ Դանիել Իոաննիսյանը:

«Թեև ապօրինի ու ագրեսիվ գործողությունների նախաձեռնողը եղել են ցուցարարները՝ իրենց առաջնորդ Վազգեն Գալստանյանի դրդմամբ, սակայն հարկ է նկատել ոստիկանության մի շարք սխալներ և օրինախախտումներ: Մասնավորապես՝

Ոստիկանությունը պատշաճ պատ/շղթա չի կազմել Սիրահարների այգու ֆլանգում, որի հետևանքով ցուցարարների կողմից այգի մտնելը հանգեցրեց ոստիկանական պաշտպանության «փլուզմանը»: Այդ ֆլանգում (օրինակ՝ այգու պարսպի մոտ) ոստիկանական շղթա նախատեսելու դեպքում ոստիկանական շարքերը չէին ճեղքվի, հատուկ միջոցի կարիք չէր առաջանա:

Որևէ օբյեկտիվ փաստ չգտանք, որը կվկայեր, որ քաղաքացիները նախազգուշացվել են հատուկ միջոցների կիրառման մասին` ի հեճուկս օրենքի պահանջի:

Ստեղծված իրավիճակում համաչափ և անհարժեշտ են եղել Սիրահարների այգու առաջին 3 և Դեմիրճյան փողոցի առաջին 2 լուսաձայնային նռնակների կիրառումը, որոնցից հետո ամբոխի ագրեսիան դադարել էր: Դրանից հետո առանձին ագրեսիվ կադրերին կարելի էր մեկուսացնել՝ առանց հատուկ միջոցների:

Մնացած շուրջ 20 նռնակները կիրառվել են նահանջող, փախչող և վիրավորներին աջակցություն ցուցաբերող քաղաքացիների նկատմամբ: Արձանագրվել են դեպքեր (հիմնականում՝ Դեմիրճյան-Բաղրամյան խաչմերուկում), որտեղ լուսաձայնային նռնակը կիրառվում էր արդեն իսկ կիրառված նռնակից գետին ընկած քաղաքացիների ու նրանց օգնության հասնողների նկատմամբ:

Լուսաձայնային նռնակները կիրառվել են ՀՀ Առողջապահության նախարարի 2012 թվականի 90-Ն հրամանով սահմանված կարգի խախտմամբ՝ չի պահպանվել կիրառվելու՝ մարդկանցից նվազագույն (2,5 մետր) հեռավորությունը, որի հետևանքով էլ քաղաքացիները ստացել են մարմնական վնասվածքներ:

Ձեռքի (ափի) էական վիրավորում ստացած քաղաքացին այն ստացել է իր ոտքերի տակ ընկած (դեռևս չպայթած) նռնակը վերցնելու հետևանքով: Նման իրավիճակ չէր կարող լիներ, եթե ոստիկանության կողմից պահպանվեր նախորդ կետում նշված 2․5 մետրը:

Հետևապես, կարելի է արձանագրել, որ ոստիկանությունը նախապես չէր կատարել նման իրավիճակից խուսափելու բոլոր հնարավոր միջոցները, իսկ ցուցարարների նախաձեռնած բախումը սկսելուց հետո հատել է համաչափության սահմանը և խախտել լուսաձայնային նռնակների կիրառման սահմանափակումները (որի հետևանքով տասնյակ մարդիկ ստացել են մարմնական վնասվածքներ)»:

Այս թեմայով ԵՄ-ն շարունակում է կոչ անել Ադրբեջանին ապահովել իրենց տները վերադառնալու ԼՂ հայերի իրավունքի իրացումը Լույս է տեսել Արցախի թեմի առաջնորդի՝ ադրբեջանական վանդալիզմի մասին պատմող գիրքը Պուտինն ու Կիմ Չեն Ընը համաձայնագիր են ստորագրել երկրներից մեկի վրա հարձակման դեպքում ռազմական օգնության մասին Փրկարարները տապալված ծառերն են մասնատում ու հեռացնում․ քամու հետևանքով պատճառված վնասները ՔԿ-ն քննարկում է Գասպարյանի նկատմամբ ոստիկանական բռնության փաստով վարույթ նախաձեռնելու հարցը Ծառի ընկնելու հետևանքով գազամատակարարումը ժամանակավորապես կդադարեցվի Կիպրոսի պաշտպանության նախարարի առաջիկա այցը Հայաստան նոր լիցք կհաղորդի ռազմական ոլորտում արդյունավետ համագործակցությանը. դեսպան Մկրտչյան Մոսկվայում փոթորիկի հետևանքով երկու մարդ է զոհվել, առնվազն տասը՝ տուժել Քննարկվել են Հայաստանի և Լյուքսեմբուրգի միջև պաշտպանության բնագավառում համագործակցությանը առնչվող հարցեր «Ջերմուկ Գրուպը» մաքսատուրքից ազատման 576 մլն դրամի արտոնություն է ստացել