ՀՅԴ-ն արձանագրում է՝ տեղի ունեցածի անվերապահ մեղավորն ու պատասխանատուն Նիկոլ Փաշինյանն է

ՀՅԴ Հայաստանի Գերագույն մարմնի հայտարարությունը․

«Հունիսի 12-ի երեկոյան ՀՀ ոստիկանությունը  Երևան քաղաքի Բաղրամյան և Դեմիրճյան փողոցների հատման հատվածում, առանց օրինական հիմքերի, հատուկ միջոցների կիրառմամբ բիրտ և ոչ համաչափ ուժ գործադրեց խաղաղ ցուցարարների վրա:

Հարյուրից ավելի քաղաքացիներ, այդ թվում` լրատվամիջոցների ներկայացուցիչներ, վնասվածքներ և վիրավորումներ են ստացել, ապօրինի ձերբակալվել են բազմաթիվ քաղաքացիներ։

ՀՅԴ Հայաստանի Գերագույն մարմինը խստորեն դատապարտում է ոստիկանության հակաօրինական գործողությունները, քաղաքական մեծամասնության՝ բռնաճնշումներն արդարացնող և դրանք խթանող դիրքավորումը։

Տեղի ունեցածի անվերապահ մեղավորն ու պատասխանատուն Նիկոլ Փաշինյանն է և նրա խուլիգանական խմբակը։

Կատարվածը ևս մեկ անգամ փաստում է, որ գործող իշխանությունը  չունի հանրային նվազագույն լեգիտիմություն։ 

Միջազգային կազմակերպությունների լռությունը կարելի է դիտարկել որպես Հայաստանում ավտորիտար ռեժիմի ամրապնդման, ժողովրդավարական ինստիտուտների կազմաքանդման, քաղաքական բռնաճնշումների և ոստիկանական բռնությունների համար   կանաչ լույս։

Հայաստանի պետականության, Հայրենիքի ու արժանապատվության այս համաժողովրդական պայքարն անկասելի է, իսկ ՀՀ քաղաքացին իրավունք ունի իրացնելու իր սահմանադրական իրավունքները։

Երկրում առկա ճգնաժամի միակ հանգուցալուծումը Նիկոլ Փաշինյանի հրաժարականն է, խաղաղ ճանապարհով նրա հեռացումը»։

Այս թեմայով Հեռախոսազրույց է տեղի ունեցել Հայաստանի արտգործնախարար Արարատ Միրզոյանի և Թուրքիայի արտգործնախարար Հաքան Ֆիդանի միջև Տեղի է ունեցել աշխատանքային խմբի նիստ՝ ուղղված անտառային հնարավոր հրդեհների կանխարգելմանը Նիկոլ Փաշինյանը չի ճանաչել Արցախն Ադրբեջանի կազմում. Արամ Սարգսյանի կուսակից թաղապետ (տեսանյութ) Լեհաստանում ազոտի գործարանում պայթյուն է տեղի ունեցել Նիկոլ Փաշինյանն ընդունել է Հայաստանում Բրազիլիայի դեսպանին Խոր ցավով ընդունեցի Դերբենտում և Մախաչկալայում տեղի ունեցածը․ Փաշինյանը հեռագիր է հղել Պուտինին Նիկոլ, դու վիրտուալ Հայաստանի վարչապետն ես միայն. լրագրող Բաքվում զինված միջադեպ է տեղի ունեցել. 4 մարդ է սպանվել Գյումրիում սգո արարողություն է տեղի ունեցել՝ ի հիշատակ այսօր Սևաստոպոլում հրթիռային հարվածների հետևանքով զոհված խաղաղ բնակիչների (լուսանկարներ) Նիկոլ Փաշինյանը տիկնոջ հետ հանգստանում է բնության գրկում