Զելենսկու գրասենյակը բացատրել է, թե ինչու է Ուկրաինան ձգտում ոչ թե զինադադարի, այլ Ռուսաստանի պարտության

Ուկրաինան ձգտում է կայուն խաղաղության՝ Ռուսաստանի Դաշնության պարտության միջոցով, այլ ոչ թե ժամանակավոր ֆիկտիվ զինադադարի։ Եվ դա բացատրվում է հինգ գործոնով,- Telegram-ի իր ալիքում գրել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը, հաղորդում է РБК-Украина-ն։

Ըստ Պոդոլյակի, դեռևս չկան երաշխիքներ, որոնք կխանգարեն Ռուսաստանի Դաշնությանը ցանկացած պահի վերսկսել ռազմական գործողությունները ֆիկտիվ զինադադարի կնքումից հետո։ «Ավելին, դա հենց այն է, ինչ կանի Ռուսաստանի Դաշնությունը, որը չի պատժվի զանգվածային հանցագործությունների և միջազգային իրավունքի խախտման համար»,- նշել է նա։

Ուկրաինայի նախագահի գրասենյակի ներկայացուցիչը նաև նշել է, որ զինադադարի դեպքում Ռուսաստանի Դաշնությունը, անկասկած, ռազմավարական առավելություն կստանա և «համաշխարհային շուկաներում իրեն էլ ավելի համարձակ կպահի»։

«Անպայման կձևավորի սադրիչ երկրների ակտիվ ցանց, որը կսկսի ավելի ակտիվ ապակայունացնել տարածաշրջանները։ Կրեմլը նաև այդ ժամանակը կօգտագործի վերազինվելու և ագրեսիայի կամ ագրեսիաների նոր փուլին պատրաստվելու համար»,- նշել է Պոդոլյակը։

«Ժամանակավոր զինադադարը բացարձակապես կարձանագրի ուկրաինական հողերի մի մասի բռնազավթումը Ռուսաստանի Դաշնության կողմից և աշխարհակարգում կհաստատի ռազմական ճանապարհով տարածքներն անեքսիայի ենթարկելու ագրեսորի իրավունքը։ Սա կլինի շատ ինտենսիվ ռազմականացված գոտի»,- նշել է նա՝ ընդգծելով, որ «ուժեղի իրավունքը» և «նվաճողական պատերազմի իրավունքը» «կդառնան արտաքին քաղաքականության առանցքային տարրերը»։

Պոդոլյակը հիշեցրել է, որ զինադադարի պարտադիր պայման կլինի Ուկրաինայի՝ ՆԱՏՕ-ին անդամակցելուց հրաժարվելը։

Ըստ նրա, դա Ռուսաստանի Դաշնությանը հույս ու հնարավորություն կտա Ուկրաինան պահել իր ազդեցության ուղեծրում։

Պոդոլյակը հավելել է, որ Ուկրաինայի իրական վերականգնումը (տարածքի, ենթակառուցվածքի, քաղաքացիների կյանքի որակի) հնարավոր է միայն տարածքների նկատմամբ վերահսկողության վերադարձի դեպքում։

Նա ընդգծել է, որ ռազմական գործողությունների ժամանակավոր դադարեցումը չի վերացնի օկուպացիայի տակ մնացած միլիոնավոր ուկրաինացիների տառապանքը, փախստականներին արտասահմանից վերադառնալու մոտիվացիա չի տա և չի կարողանա ներգրավել ներդրողներին։

Այս թեմայով ՌԴ-ն և Ուկրաինան 90 գերիներ են փոխանակել Ինչու են դադարել Վիգեն Քոչարյանի Բարձրագույն դատական խորհրդի անդամի լիազորությունները․ պարզաբանում Հայ շախմատիստները պարտության են մատնել Թուրքիայի թիմին Ռուսաստանը և Ուկրաինան հայտնել են փոխադարձ հարվածների մասին Գերմանիայում լրտեսության կասկածանքով Հայաստանի, Ռուսաստանի և Ուկրաինայի քաղաքացիներ են ձերբակալվել Հայաստանի և Ռուսաստանի հարաբերությունները առանձնահատուկ նշանակություն ունեն. Պուտինի ներկայացուցիչ Երևանում ձևավորվել է Արցախի թեմի գրասենյակը Միասին ձգտում ենք նպաստել տարածաշրջանային կայունությանը. Վերման հայտնել է ՀՀ-ում դիվանագետների հետ հանդիպման մասին Թագուհի Թովմասյանը մեկնաբանել է, թե ինչու այսօր չի մասնակցել Աժ արտահերթ նիստին ԵՄ-ն 1 տարով երկարաձգել է Ռուսաստանի դեմ պատժամիջոցները