Նիկոլը մեծ փորձանքների ճանապարհ է բացում. թող վաղն էլ դուրս գա ՀԱՊԿ-ից՝ քաղաքական առումով սա կապիկություն է. Հայկ Նահապետյան

Նախորդ շաբաթ ԱԺ ամբիոնից Նիկոլ Փաշինյանը հայտարարեց, թե երբ ուզեն՝ դուրս կգան ՀԱՊԿ-ից, բայց հետ չեն գնա։ Նա պատասխանում էր ԱԺ «Հայաստան» խմբակցության պատգամավոր Ագնեսա Խամոյանի՝ ՀԱՊԿ-ից դուրս գալու  վերաբերյալ հարցին:

Հետո Արարատ Միրզոյանը նույն ամբիոնից փորձեց ճշգրտել Նիկոլ Փաշինյանի ասածը, շեշտելով, որ Նիկոլ Փաշինյանն ասել է, որ ոչ թե դուրս են գալիս ՀԱՊԿ-ից, այլ իրենք կորոշեն, թե երբ դուրս գան։

168.am-ի հետ զրույցում անվտանգության, ռազմական հարցերով փորձագետ Հայկ Նահապետյանն անդրադառնալով Նիկոլ Փաշինյանի այս հայտարարությանը և հարցին՝ ի՞նչն է  խանգարում Հայաստանին դուրս գալ ՀԱՊԿ-ից, պատասխանեց՝ եթե Նիկոլ Փաշինյանը որոշել է Հայաստանին դուրս բերել ՀԱՊԿ-ից,  թող հիմա էլ նման որոշում կայացնի։

«Քաղաքական առումով սա նրա կողմից կապիկություն է։ Թող չեղարկեն 1995 թվականի Հայաստանի ու Ռուսաստանի միջև համագործակցության վերաբերյալ պայմանագիրը, որով ՀՀ-ում տեղակայվել է ռուսական 102-րդ ռազմաբազան։ Նաև կարող է չեղարկել 1992 թվականի սեպտեմբերի 30-ին երկու պետությունների միջև միջպետական պայմանագիրը, ըստ որի՝ հայ-թուրքական ու հայ-իրանական սահմանին պետք է ծառայություն իրականացնեն ռուս սահմանապահները։ Նիկոլը մտածում է, որ եթե ԱԺ ամբիոնից նման հայտարարություն անի, կարող է Ռուսաստանը վախենա, Արևմուտքի հետ իր խաղերին թեթև նայի։

Այս ամենի հետ կապված՝ Նիկոլ Փաշինյանը ապտակ ստացավ, երբ վերջին անգամ այցելել էր Մոսկվա, որից հետո ՌԴ նախագահի մամուլի խոսնակը հայտարարեց, որ Փաշինյանը խնդրել է, որ հայ-իրանական ու հայ-թուրքական սահմանին տեղակայված ռուս սահմանապահները մնան։ Մինչդեռ նա ՌԴ նախագահին դիմել էր, որպեսզի ՀՀ-ի այլ հատվածներում տեղակայված ռուս սահմանապահներին դուրս բերի։ Քանի որ Նիկոլ Փաշինյանը դիլետանտ ու անգրագետ է, չի կարողանում հասկանալ, որ ռուս սահմանապահները հայ-իրանական ու հայ-թուրքական սահմանին տեղակայվել են միջպետական պայմանագրի հիման վրա։ Երկու տարի է՝ ՀԱՊԿ-ից դուրս են գալիս, բայց դեռ այնտեղ են»,- նշեց Հայկ Նահապետյանը։

Ըստ փորձագետի, Նիկոլ Փաշինյանը կարող է դուրս գալ ոչ միայն ՀԱՊԿ-ից , այլև ԵԱՏՄ-ից ու ԱՊՀ-ից, որից հետո հայ ժողովուրդը կտեսնի ամբողջ աղետը, մասնավորապես՝ տնտեսության առումով։ Հայաստանի գյուղմթերքն արտահանվում է  ՌԴ շուկա, բյուջեի 1/3-ը լրացվում է ՌԴ-ից հայերի տրանսֆերներով։ Բացի այդ, ՀՀ-ում Ռուսաստանն ունի ամենամեծ ներդրումային բազան, երկու երկրների միջև ապրանքաշրջանառությունն ամենամեծն է:

«ՀՀ-ից դուրս հանելով ռազմաբազան, մեկ ժամ հետո թուրքական տանկերը կհայտնվեն Նորագավիթի մատույցներում, նրանց որևէ բան չի խանգարի այդ քայլին գնալու համար, հետո էլ կհայտարարեն, թե հայերը Նախիջևանի կողմից հարձակվել են, իրենք «կանխարգելիչ» քայլ են իրականացնում։ Ի դեպ, Թուրքիան այդ «կանխարգելիչ» քայլով Սիրիայի Հալեպ քաղաքն էր վերցնում, դե հիմա նույնն էլ այստեղ կանի։ Ուղղակի հարց է առաջանում՝ այդ սահմանը Փաշինյանն իր քաղաքական խմբակո՞վ է պահելու, թե՞ Ֆրանսիան ու Միացյալ Նահանգներն են գալու պահեն։ Հիշեք, 2022 թվականի հոկտեմբերի 6-ին Պրահայում ո՞ւմ քավորությամբ Նիկոլն Արցախը ճանաչեց Ադրբեջանի կազմում՝ Մակրոնի։

Նիկոլը մեր գլխին մեծ փորձանքների ճանապարհ է բացում»,- հավելեց Հայկ Նահապետյանը։

Մեր զրուցակցի դիտարկմամբ՝ Նիկոլ Փաշինյանն իբրև թե փորձում է հակակշիռներ ստեղծել ու ցույց տալ, որ եթե Հայաստանը ՀԱՊԿ-ից դուրս գա, Ռուսաստանն իրեն շատ վատ կզգա, ինչն այդպես չէ։

Այս թեմայով Ըմբիշ Մարատ Աճեմյանը հաղթել է ադրբեջանցի մրցակցին և դուրս եկել Եվրոպայի առաջնության եզրափակիչ փուլ Փաշինյանը «ՔՊ» նիստ է գումարել՝ ամփոփելու քաղաքական ժողովի արդյունքները Ուկրաինայի հակամարտությունը կարող է տարածվել տարածաշրջանից դուրս. Ֆիդան Հայկ Մամիջանյանը մասնակցում է Եվրոպայի Ժողովրդական Կուսակցության քաղաքական ասամբլեային «Ձևավորել միջավայր, որտեղ ատելության խոսքն ինքնաբերաբար դուրս կմղվի». Ժաննա Անդրեասյան ԱՊՀ-ում գնահատել են կազմակերպությունից Հայաստանի դուրս գալու ռիսկերը Հայաստանի քաղաքական վեկտորը գնալով թեքվում է դեպի Արևմուտք. ՌԴ փոխվարչապետ Սեյրան Կիրակոսյանը հաղթեց և դուրս եկավ ըմբշամարտի Մ17 ԵԱ-ի եզրափակիչ Եվրո-2024. Պորտուգալիան դուրս եկավ փլեյ-օֆֆ Կհանդիպենք հինգշաբթի` ժամը 20։00-ին, ովքեր կարծում են տկարացել ենք, թող Շարժումից դուրս դնեն իրենց․ Սրբազան (տեսանյութ)