ՀՀ պաշտպանության նախարարությունը հայտարարում է մրցույթ
Քաղաքական![ՀՀ պաշտպանության նախարարությունը հայտարարում է մրցույթ](/timthumb.php?src=disc/18-06-24/7c3d4f2f68d0b292fe81c66f314ec0db.jpg&w=780)
Պաշտպանական համակարգում բարձր տեխնոլոգիական լուծումների ստեղծման, դրանց արդյունավետ կիրառման, ինչպես նաև զորակոչիկների կարողությունները պարտադիր ժամկետային զինվորական ծառայության ընթացքում առավել արդյունավետ օգտագործելու նպատակով ՀՀ պաշտպանության նախարարությունը հայտարարում է մրցույթ։ Հայտնում են ՀՀ ՊՆ-ից:
2024 թվականի ամառային զորակոչի ենթակա զորակոչիկները կարող են մասնակցել «1991 ստորաբաժանման» արհեստական բանականության խմբում պարտադիր ժամկետային զինվորական ծառայության անցնելու համար մրցույթին հետևյալ մասնագիտացումներից մեկով.
մեքենայական ուսուցում,
տվյալների ճարտարագիտություն,
տվյալների վերլուծություն և վիճակագրություն:
Մրցույթին մասնակցելու ցանկություն ունեցող զորակոչիկները կարող են ծանոթանալ մրցույթի պայմաններին և գրանցվել 1991.mil.am կայքում մինչև 2024 թվականի հունիսի 27-ը ներառյալ: Հարցերի համար գործում է էլ. փոստ՝ [email protected], հեռախոս՝ 1-28:
![](banners/armflix.jpg)