Գավառ-Մարտունի ճանապարհին բախվել են բեռնատարն ու մարդատարը․ BMW-ի վարորդի դին հատուկ տեխնիկայի օգնությամբ են դուրս բերել
Արտակարգ Պատահար![Գավառ-Մարտունի ճանապարհին բախվել են բեռնատարն ու մարդատարը․ BMW-ի վարորդի դին հատուկ տեխնիկայի օգնությամբ են դուրս բերել](/timthumb.php?src=disc/19-06-24/170b1debb7231c31958555df0d9afe35.jpg&w=780)
Հունիսի 19-ին, ժամը 15։10-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նորատուս գյուղի սկզբնամասում տեղի է ունեցել ՃՏՊ՝ բախվել է երկու ավտոմեքենա, կա տուժած․ անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Գավառ-Մարտունի ավտոճանապարհի մոտ 6-րդ կմ-ին բախվել են «SHACMAN» (վարորդ՝ Հ․ Կ․) և «BMW» (վարորդ՝ Ի․ Ն․, ծնված 1988 թ․) մակնիշների ավտոմեքենաները․ Ի․ Ն․-ն տեղում մահացել է։
Փրկարարները հոսանքազրկել են ավտոմեքենաները, փակել գազի բալոնների փականները, հատուկ տեխնիկայի օգնությամբ «BMW» մակնիշի ավտոմեքենայից դուրս բերել վարորդի դին և մոտեցրել դի տեղափոխող ավտոմեքենային։
![](banners/armflix.jpg)