Կիրանցեցիներին հրամցնում են փաստաթղթեր, որոնց համաձայն նրանք պիտի հրաժարվեն գույքային իրավունքից. Դանիելյան

ԱԺ «Հայաստան» խմբակցության պատգամավոր Գառնիկ Դանիելյանը ահազանգում է․

«Այսօր Բագրատ Սրբազանի հետ այցելեցինք Կիրանց, Ոսկեպար գյուղեր, որտեղ հանդիպումներ ունեցանք բնակիչների հետ։

Ցավալի էր տեսնել, որ դեպի Կիրանց տանող ճանապարհից հանվել է հերոսի՝ Դավիթ Շահնազարյանի լուսանկարը, գյուղի ցուցանակը, ապամոնտաժվել է արծվի արձանը։

Սրբազանի հետ փորձեցինք գտնել նաև Ոսկեպարի այն ցանկապատը, որի մասին խոսել էր վարչակարգի ղեկավարը։

Ո՛չ բնակիչները, ոչ էլ ոստիկանները չէին տեսել այդ ցանկապատը։ Եւս մեկ անգամ փաստվեց հերթական կեղծիքի մասին։

Կիրանց գյուղի բնակիչներն ունեն բազմաթիվ մտահոգություններ։ Դրանք հիմնականում վերաբերում են անվտանգությանը եւ ապրուստի միջոցներին։

Ապօրինի սահմանազատման գործընթացից հետո անհնարին է դարձել գյուղատնտեսական աշխատանքների իրականացումը։ Գյուղացիները չեն կարողանում հավաքել դաշտերից հասած ցորենը։

Անասնապահությունը ևս կանգ է առել Կիրանցում՝ արոտավայրերի վտանգված լինելու պատճառով։

Կիրանցեցուն հրամցնում են փաստաթղթեր, որոնց համաձայն իրենք հրաժարվում են գույքային իրավունքից։

Իշխանությունները լավ են հասկանում, որ կադաստրի վկայականների առկայությունը խոչընդոտում է իրենց հանձնողական քաղաքականությանը, այդ պատճառով դիմում են նման ստոր միջոցների։

Այս ամենը հակաօրինական է, եւ այն անձինք, որոնք ճնշում են գործադրում գյուղացիների նկատմամբ՝ համոզելով, որ կադաստրի վկայականները, միևնույն է, «առ ոչինչ են», և դրանցից հրաժարումը «ավելի ձեռնտու» կլինի, պետք է ենթարկվեն քրեական պատասխանատվության։

Նշված հարցերի վերաբերյալ պատրաստվում եմ գրություններ ուղարկել պատկան մարմիններին՝ պահանջելով մանրամասն պարզաբանում»։

Այս թեմայով Շնորհակալություն այն ամենի համար, որ արվել է ու պիտի արվի Լեռնային Ղարաբաղից տեղահանվածներին օգնելու համար. Հռոմի Ֆրանցիսկոս Պապը՝ Գևորգ եպիսկոպոս Սարոյանին Նոր հանցագործության տեսակ. Երեւանում կեղծում են փաստաթղթեր ու վաճառում են արտագաղթածների բնակարաններ. Հետք Փարաքարի և Մերձավանի ղեկավարներին մեղադրանք է ներկայացվել, նրանք կալանավորվել են․մանրամասնում է ՔԿ-ն Պիտի մեկտեղենք ուժն ընդհանուր գաղափարի շուրջ՝ ունենալու ՄԻ պաշտպանության ամուր համակարգ․ ՄԻՊ Խայտառակություն է, Աշոտյանի բուն դատական նիստերը նոր են սկսում, պիտի հասանելի լինեն հանրությանը (տեսանյութ) Պիտի հանդիպեի Լալայի հետ և զարհուրելի լուրն առա, նրա կողքը նստողը չէր զգում`ժամանակը ոնց է անցնում․ Հարություն Մովսիսյան (տեսանյութ) Պետք է բանակը վերականգնվի, անվտանգային խնդիրները պիտի լուծվի, տնտեսությունը զարգանա. Սրբազան (տեսանյութ) Կառավարությունը կիրանցեցիներին պարտադրում է դիմումով հրաժարվել այն գույքից, ինչը հանձնել են Բաքվին Կիրանցի մատույցներում ադրբեջանցի սահմանապահներն են, նրանք մոտենում են գյուղին (տեսանյութ) Օգտագործել են իբրև թե ՌԴ-ում նոտարների վավերացրած կեղծ փաստաթղթեր. հափշտակել են անժառանգ տարեցների բնակարանները