Հակոբ Արշակյանն ու Ուան Յենլին կարևորել են Հայաստանի և Չինաստանի միջև հնարավոր ուղիղ օդային չվերթների գործարկումը

Հայաստանի Հանրապետության ազգային ժողովի նախագահի տեղակալ Հակոբ Արշակյանի գլխավորած պատվիրակությունը հանդիպել է Չինաստանի Հուբեյ նահանգի Ժողովրդական Կոնգրեսի մշտական կոմիտեի գործադիր փոխնախագահ Ուան Յենլիի հետ:

«Սա առաջին պաշտոնական պատվիրակությունն է, որ Հայաստանից երբեւէ այցելում է Հուբեյ նահանգ, եւ պետք է նշեմ, որ դրական զգացողություններ ու տպավորություններ ունեմ», - ասել է Հակոբ Արշակյանը:

Ուան Յենլին առանձնակի կարեւորել է նման հանդիպումները՝ նկատելով, որ դրանք փոխադարձ շփումների արդյունքում առավել զարգանում են։ Նա հույս է հայտնել, որ այդ հանդիպումները հարաբերությունների ընդլայնման համար լավ հիմք կլինեն:

ԱԺ փոխնախագահը գոհունակությամբ ընդգծել է երկու երկրների միջեւ մուտքի արտոնագրերի ազատականացումը, ինչը լայն հնարավորություններ է ստեղծում թե՛ զբոսաշրջության, թե՛ ներդրումային ծրագրեր իրականացնելու, թե՛ համագործակցության համար:

Կարեւորելով Հայաստանի եւ Չինաստանի միջեւ հնարավոր ուղիղ օդային չվերթների գործարկումը՝ Հակոբ Արշակյանը նշել է, որ այն առավել կզարգացնի երկու երկրների միջեւ համագործակցության ուղղությունները:

Ուան Յենլին, անդրադառնալով Չինաստանի եւ Հայաստանի միջեւ գործող ծրագրերին, ընդգծել է, որ Հայաստանն ակտիվ մասնակցում է «Մեկ գոտի, մեկ ճանապարհ» նախաձեռնությանը, որը նոր հորիզոններ է բացում ապագայում:

Մշտական կոմիտեի գործադիր փոխնախագահը նշել է, որ տեղեկացված է Հայաստանի՝ գիտության եւ տեխնոլոգիաների ուղղությամբ զարգացվածության մասին: Նա նաեւ հավելել է, որ ուրախ կլինի Հուբեյ նահանգի եւ Հայաստանի միջեւ տնտեսական, տեխնոլոգիական, գիտության եւ կրթության ոլորտներում հարաբերությունների խորացմամբ:

Զրուցակիցները կարեւորվել են Հայաստանի մարզերի, քաղաքների եւ Չինաստանի նահանգների ու քաղաքների միջեւ համագործակցության զարգացումը:

Հանդիպմանը քննարկվել են երկուստեք հետաքրքրություն ներկայացնող այլ հարցեր եւս:

Պաշտոնական այցով Չինաստանում գտնվող պատվիրակության կազմում են ՀՀ ԱԺ Հայաստան-Չինաստան բարեկամական խմբի անդամներ, «Քաղաքացիական պայմանագիր» խմբակցության պատգամավորներ Անդրանիկ Քոչարյանը, Լենա Նազարյանը, Հայկ Ցիրունյանը, Թագուհի Ղազարյանն ու «Հայաստան» խմբակցության պատգամավոր Գեղամ Նազարյանը:

Այս թեմայով Հայաստանի բասկետբոլի կանանց հավաքականը հաղթել է Անդորրայի հավաքականին Հայաստանի թիմը դարձավ Շախմատի Եվրոպայի մինչև 18 տարեկանների թիմային առաջնության փոխչեմպիոն Սևաստոպոլում օդային տագնապ է հայտարարվել ՀՀ ԱԺ պատգամավորները Գերմանիայի գործընկերների հետ քննարկել են Հայաստանի և Ադրբեջանի միջև խաղաղության գործընթացը և տարածաշրջանային անվտանգությանն առնչվող հարցեր Այսօր ԱՄՆ-ում կկայանա նախագահական ընտրությունների առաջին մեծ բանավեճը Բայդենի և Թրամփի միջև ՈՒՂԻՂ. Սրբազանը և աջակիցները Սուրբ Աննա եկեղեցու բակում են Վրաստանը բոլոր ջանքերը կգործադրի Հայաստանի և Ադրբեջանի միջև խաղաղության համար. ԱԳ նախարար ՄԻՊ-ը կարևորել է խտրականության դեմ հարցերի պատշաճ հասցեավորումը Միրզոյանը էստոնացի իր գործընկերոջ հետ խոսել է ՀՀ-ի և Ադրբեջանի միջև խաղաղության պայմանագրի մասին ԵԽԽՎ-ն ողջունել է Հայաստանի կողմից Վենետիկի հանձնաժողով դիմելու նախաձեռնությունը