ՆԳՆ փրկարար ծառայությունը հորդորում է պահպանել հրդեհային անվտանգության կանոնները

Հարգելի՛ քաղաքացիներ, հունիսի 1-ից սեպտեմբերի 30-ը հանրապետության տարածքում համարվում է հրդեհավտանգ ժամանակաշրջան, հայտնում են ՆԳՆ-ից։

Կարևոր է այդ ընթացքում հատուկ ուշադրություն դարձնել հրդեհների կանխարգելմանը և բնակչության շրջանում բացատրական աշխատանքներին:

Անտառային և բուսածածկ տարածքներում հրդեհներից խուսափելու  համար արգելվում է`

1) չնախատեսված տեղերում վառել խարույկ,

2) նետել այրվող լուցկի, չմարված ծխախոտի մնացորդ,

3) վառելիքով լիցքավորված ավտոմեքենաների շրջակայքում ծխել և օգտվել բաց կրակից,

4)  այրել չոր խոտ կամ խոզան,

5) արևով լուսավորվող բացատներում թողնել շշեր, ապակու կտորներ, քանի որ դրանք կարող են ֆոկուսացնել ճառագայթները՝ վերածվելով հրկիզող ոսպնյակների:

Հարգելի՛ քաղաքացիներ, հրդեհի փոքր օջախի հայտնաբերման դեպքում փորձեք հանգցնել այն՝ օգտագործելով կրակմարիչներ, բահեր կամ ծառերի ճյուղերի կապուկ, թաց հագուստ, ամուր կտոր: 

Պետք է համոզվել, որ կրակը մարվել է, և կրկին բորբոքման սպառնալիք չկա:

Պահպանելով հրդեհային անվտանգության կանոնները՝ կօգնեք հրշեջներին՝ գիտակցելով, որ չնայած նրանց 24-ժամյա անձնվիրաբար ծառայությանը,  անտառն ամբողջությամբ և մշտապես ուշադրության կենտրոնում պահելն անհնար է:

Որպես հիշեցում. Վարչական իրավախախտումների մասին ՀՀ օրենքը  սահմանում է՝ 

հրկիզման կամ կրակի հետ անփույթ վարվելու հետևանքով անտառներում ծառերը, թփերը, մշակաբույսերը ոչնչացնելը կամ վնասելն առաջացնում է նվազագույն աշխատավարձի մինչև հարյուրհիսնապատիկի (150 000 դրամ) չափով տուգանք:

Խոզանները, բուսական մնացորդներն ու չորացած բուսականությամբ տարածքները, արոտավայրերի ու խոտհարքների բուսականությունը, գյուղատնտեսական, անտառամերձ, անտառային և բնության հատուկ պահպանվող հողերում այրելը՝ սահմանված նվազագույն աշխատավարձի հիսնապատիկից (50 000 դրամ) երեքհարույրապատիկի (300 000 դրամ) չափով։

Հարգելի՛ քաղաքացիներ, եթե նկատում եք հրդեհ, անմիջապես զանգահարեք 911:

Այս թեմայով «Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով Ադրբեջանը տարածաշրջանային անվտանգության ապահովման գործում հիանալի օրինակ է․ Օրբան Միգրացիայի ծառայությունը ՀՀ քաղաքացիներին ՌԴ մուտքի արգելքի հարցերով խորհրդատվություն կտրամադրի ԵԱՏՄ շուկայում պարենային անվտանգության խնդիր չկա. ԵՏՀ նախարար Ադրբեջանը ցանկանում է վերահսկողություն ստանալ Հայաստանի անվտանգության նկատմամբ. Տիգրան Աբրահամյան (տեսանյութ) ԱԽ քարտուղարը «Ուկրաինայի խաղաղության բանաձև»-ի համատեքստում մասնակցել է պարենային անվտանգության առցանց համաժողովին Telegram-ում և Tiktok-ում քաղաքացիներին առաջարկում են գումարի դիմաց վարորդական վկայական ստանալ. ոստիկանությունը հորդորում է խուսափել խարդախության զոհ դառնալուց Մեկ շաբաթում գրանցվել է 300 արտակարգ դեպք. տուժել է 103, զոհվել՝ 8 մարդ. Փրկարար ծառայություն Անվտանգության համակարգը գերզգայուն է և արձագանքում է ցանկացած իրավիճակի․ մարզպետը՝ ՀԱԷԿ-ի մասին Ամբողջ օրը ինքնիշխանության մասին ճամարտակող Նիկոլ Փաշինյանը չի կարողանում օտար ազդեցությունից ազատել հատուկ ծառայությունը. Սուրենյանց