ՀՀ ԲՏԱ նախարար Հայրապետյանն այցելել է «Ռենդերֆորեսթ» ընկերություն

ՀՀ բարձր տեխնոլոգիական արդյունաբերության նախարար Մխիթար Հայրապետյանը նախարարի տեղակալ Ռուբեն Սիմոնյանի հետ օգոստոսի 2-ին այցելել է «Ռենդերֆորեսթ» ընկերություն, որն ավտոմատացված դիզայնի և տեսանյութերի ստեղծման առցանց հարթակ է: Այն առաջարկում է թվային բովանդակություն ՝ ներառյալ տեսանյութեր, անիմացիաներ, վեբ կայքեր, տարբերանշաններ, մակետներ, սոցիալական մեդիայի գրաֆիկներ, սահիկաշարեր ստեղծելու գործիքների փաթեթ։ Հարթակն ունի ավելի քան 20 միլիոն օգտատեր ամբողջ աշխարհից։

Ինչպես «Արմենպրես»-ին տեղեկացրին ՀՀ բարձր տեխնոլոգիական արդյունաբերության նախարարությունից, չնայած ընկերությունը հիմնադրվել է Երևանում 2013 թվականին, 2024 թվականին բացվել է ընկերության նոր գրասենյակը` «Վուդս» կենտրոնում, այս անգամ ևս՝ ոչ ստանդարտ մտահղացումներով ու լուծումներով։ Նոր գրասենյակը ունի 600 աշխատատեղ, միջոցառումների և կոնֆերանսների սրահներ։ Ունի նաև նորարարական կրթական կենտրոն տարեկան 2000 ուսանողի համար կրթական ծրագրեր իրականացնելու հնարավորությամբ, ինչպես նաև պրոֆեսիոնալ գրադարան՝ 10 000 գրքերի ֆոնդով։  «Վուդս» կենտրոնի տնօրեն Արթուր Սաֆարյանը, նախարարին ներկայացնելով ընկերության անցած ուղին և ներկա գործունեությունը, ծանոթացրել է կենտրոնի բազմաֆունկցիոնալ հնարավորություններին, իրականացվող ծրագրերին, անդրադարձ է եղել նաև ընկերության կրթական կենտրոնին՝ Արդի ակադեմիային։Ըստ աղբյուրի՝ հանդիպմանը խոսվել է համագործակցության մի շարք հնարավորություններից, այդ համատեքստում՝ պետություն֊մասնավոր հատված կապից: Նախարարը ներկայացրել է ոլորտի աջակցության վերաբերյալ նախարարության գործուն քայլերն ու դրանցից բխող հնարավորությունները, իրականացվող ծրագրերն ու առաջիկա պլանները:

Նշվում է, որ «Ռենդերֆորեսթ»-ի պրոդուկտն ամբողջովին նախագծվել և ստեղծվել է Հայաստանում։ Ընկերության կապիտալը ևս ամբողջությամբ հայկական է։ Հատկանշական է, որ ընկերության արտադրանքի  ավելի քան 97 տոկոսը արտահանվում է՝ Հայաստանը ներկայացնելով որպես բարձր տեխնոլոգիական ոլորտի խոշոր արտահանող երկիր։ «Ռենդերֆորեսթ»-ի հաճախորդներից են ԱՄՆ կառավարության մարմինները, «Ջեներալ էլեկտրոնիքս»-ը, «Վոդաֆոն»-ը, «Քենոն»-ը և այլն։ 2015 թվականին բացվել է նաև կազմակերպության առաջին գրասենյակը Գյումրիում։ Ընկերությունը ՀՀ խոշոր հարկատու է, որտեղ աշխատում է ավելի քան 80 մասնագետ։

Այս թեմայով Հայաստանի բուհերում գոյություն ունեցող կառույցն ավելի շուտ ոմանց զբաղվածությունն էր ապահովում. նախարար Իրաքի Դաշնային գերագույն դատարանի նախագահն այցելել է Հայոց ցեղասպանության հուշահամալիր Կանադան Գազայի հատված ոչ մի զենք չի ուղարկի. ԱԳ նախարար Հայաստանի զբաղվածության 2024-2030 թթ․ ռազմավարությունը սահմանում է ոլորտի զարգացման տեսլականը և դրա ճանապարհը. նախարար ԱԻ նախկին նախարար Անդրանիկ Փիլոյանը մեղավոր է ճանաչվել ՌԴ ԱԳ նախարար Սերգեյ Լավրովը ժամանել է Սաուդյան Արաբիայի մայրաքաղաք ՀՀ-ում Նիդեռլանդների նորանշանակ դեսպանն այցելել է Հայոց ցեղասպանության հուշահամալիր Նիդերլանդների դեսպանն այցելել է Հայոց ցեղասպանության հուշահամալիր Հայաստան կայցելի Հունգարիայի արտաքին գործերի և առևտրի նախարար Պետեր Սիյարտոն Արմեն Աշոտյանն այն մարդն էր, ով լինելով նախարար, թռչում էր էկոնոմ դասով, որ պետությանը վնաս չպատճառի․ վկա