Իրավապահները գտել են երեկ մոր պարանոցը կտրած որդուն. ինչ է կատարվել գիշերը Գարեգին Նժդեհի փողոցում

Շենգավիթում օգոստոսի 15-ին ժամը 09։50-ին շտապօգնության կայանից ահազանգ է հնչել, որ «վիզը կտրած» քաղաքացի կա Բագրատունյաց փողոցի բնակարաններից մեկում։ Դեպքի վայր շտապած իրավապահները գտել են Գ. Կ-ի դիակը եւ պարզել, որ նույն օրը ժամը 08։55-ին սուր կտրող-ծակող գործիքով վերջինիս սպանել է որդին՝ 1998 թվականի ծնված Գ. Գ-ն, որը դիմել էր փախուստի։

ArmLur.am-ին քիչ առաջ հայտնի դարձավ, որ երեկ գիշեր ժամը 21։45-ին Գ․ Նժդեհի փ. 56Ա հասցեի մոտից Գ. Գ․-ն հայտնաբերվել ու ձերբակալվել է։

Հիշեցնենք, որ երեկ՝ օգոստոսի 15-ին՝ ժամը 09:50-ին, Երևանի քաղաքապետարանի «Շտապբուժօգնություն» ՓԲԸ-ից հաղորդում է ստացվել այն մասին, որ Երևան քաղաքի Բագրատունյաց փողոցի բնակարաններից մեկում հայտնաբերվել է 65-ամյա կնոջ դի՝ պարանոցի շրջանում կտրած վնասվածքով, հայտնում են ՀՀ ՔԿ-ից։

«Դեպքի առթիվ ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում, ՀՀ քրեական օրենսգրքի 155-րդ հոդվածի 1-ին մասով, նախաձեռնվել է քրեական վարույթ:

Անմիջապես դեպքի վայր է մեկնել քննչական-օպերատիվ խումբը և ձեռնարկել քննչական ու վարութային անհրաժեշտ գործողություններ. կատարվել է դեպքի վայրի զննություն, որի ժամանակ հայտնաբերվել է դանակ՝ արնանման հետքերով։ Դիակի արտաքին զննությամբ հայտնաբերվել են սուր կտրած-ծակած բազմաթիվ վնասվածքներ, ինչպես նաև՝ պարանոցի կտրված վերք։ Հարցաքննվել են շուրջ մեկ տասնյակ անձինք, առգրավվել է շենքի մուտքը տեսանկարահանող սարքի հիշողության կրիչը: Տուժածի մարմնական վնասվածքների բնույթը, ստացման մեխանիզմը պարզելու նպատակով նշանակվել է դիակի դատաբժշկական փորձաքննություն»,-ասված է հաղորդագրության մեջ:

Քնար Մանուկյան

Այս թեմայով Եկեք Գյումրի, փողոցում ցանկացած մեկից հարցրեք՝ ո՞վ է Անդրանիկ Քոչարյանը, իրենք ձեզ կասեն. Միքայել սրբազան Զորամասերում Գարեգին Նժդեհին որպես դավաճան, խեղկատակ են ներկայացնում. Գեղամ Մանուկյան Գարեգին Նժդեհի հրապարակում կրակել են թիվ 42 երթուղու ավտոբուսի վրա Մեկ օր բարձրաստիճան զինվորականի հետ․ ՊՆ-ի տեսանյութը՝ գեներալ-մայոր Գարեգին Պողոսյանի մասին (տեսանյութ) Արտառոց դեպք՝ ՀՀ մարզերից մեկում․ծնողների պնդմամբ` դպրոցում երեխայի նկատմամբ ոտնձգություն է կատարվել Արարատյան փողոցում Opel-ը բախվել է կայանած բեռնատարի կցորդիչին. վարորդը զրկվել է կյանքից «Երևանյան երկխոսության» փակ քննարկմանը անդրադարձ է կատարվել անվտանգության ներկայիս մարտահրավերներին «ՀրազՋԷԿ»-ը հերքել է ՔՏՀԱ տեսչական մարմնի հայտարարությունը՝ երեկ տեղի ունեցած միջադեպի վերաբերյալ Գարեգին 2-րդը ՀՀ իշխանության ներկայացուցիչներին հրավիրել է Էջմիածնի տաճարի վերաօծմանը Նատաշա Կորոլյովան հիշել է Տարզանի հետ ամուսնական առաջին գիշերը