2 բրոնզե մեդալ՝ Եվրոպայի ինֆորմատիկայի պատանեկան 8-րդ օլիմպիադայից

ՀՀ դպրոցականները 2 բրոնզե մեդալ են նվաճել Եվրոպայի Ինֆորմատիկայի պատանեկան 8-րդ օլիմպիադայում, որն օգոստոսի 16-22-ն անցկացվել է Մոլդովայի մայրաքաղաք Քիշինևում: Օլիմպիադային մասնակցել է 26 երկրի 98 աշակերտ։

Օլիմպիադայի անցկացման ձևաչափը համընկնում էր Ինֆորմատիկայի միջազգային օլիմպիադայի (IOI) ձևաչափին, որի ժամանակ մասնակիցները 2 մրցույթային օրերում կատարում են 3-ական առաջադրանքներ, իսկ յուրաքանչյուր երկիր կարող էր ներկայացնել առավելագույնը 4 մասնակից։

Օլիմպիադային Հայաստանի թիմը ներկայացրել են Ա․ Շահինյանի անվան ֆիզմաթ հատուկ դպրոց 9-րդ դասարանի աշակերտներ Տիգրան Մացակյանը ու Վահագն Գյոզալյանը, ինչպես նաև Գյումրու Ֆոտոն վարժարանի 9-րդ դասարանի աշակերտ Արման Կիրակոսյանը և Քվանտ վարժարանի 8-րդ դասարանի աշակերտ Արեն Գրիգորյանը: Բրոնզե մեդալներ են նվաճել Տիգրան Մացակյանը և Արման Կիրակոսյանը, իսկ Վահագն Գյոզալյանն արժանացել է գովասանագրի:

Թիմը ղեկավարել են ԵՊՀ ուսանողներ Սամվել Անդրեասյանը և Սամվել Աբելյանը, իսկ ԵՊՀ դասախոս Արմեն Անդրեասյանն ընդգրկված էր EJOI-ի օլիմպիադայի կոմիտեի կազմում։

Հիշեցնենք, որ 2023 թ.-ին Եվրոպայի ինֆորմատիկայի պատանեկան 7-րդ օլիմպիադան անցկացվել էր Վրաստանի Քութաիսի քաղաքում, որի ժամանակ Հայաստանի թիմը արժանացել էր 1-ական ոսկե, արծաթե և բրոնզե մեդալների։

Այս թեմայով Սեպտեմբերի 21-ին, Անահիտ աստվածուհու բրոնզե արձանը կցուցադրվի Հայաստանի պատմության թանգարանում Ըմբշամարտի Մ20 ԱԱ․ Աշոտ Խաչատրյանը արծաթե մեդալ է նվաճել Վազող թիրախ ձևի Եվրոպայի առաջնությունից հայ մարզիկները վերադարձել են մեդալներով Հրաձիգ Գոռ Խաչատրյանը Եվրոպայի առաջնության վերջին օրը դարձել է ոսկե մեդալակիր Հրաձիգ Գոռ Խաչատրյանը ոսկե մեդալ է նվաճել Եվրոպայի առաջնությունում Երիտասարդական ԱԱ. Յուրիկ Հովեյանը հաղթել է թուրք ըմբիշին և դարձել բրոնզե մեդալակիր Յուրիկ Հովեյանը հաղթեց թուրք մրցակցին և դարձավ երիտասարդական ԱԱ-ի բրոնզե մեդալակիր Հայ զինծառայողները նվաճել են Եվրոպայի ամենաբարձր լեռնագագաթ Էլբրուսը (տեսանյութ) Հայ հրաձիգները երկու բրոնզե, մեկ արծաթե մեդալ են նվաճել Եվրոպայի առաջնության մրցումային հերթական օրը Բենիկ Ագասարովը՝ շախմատի Եվրոպայի մինչև 16 տարեկան պատանիների փոխչեմպիոն