Ալիևը պետական այցով ժամանել է Ուզբեկստան
Աշխարհ![Ալիևը պետական այցով ժամանել է Ուզբեկստան](/timthumb.php?src=disc/22-08-24/979933d8070e2ee1d879c79b98373b85.jpg&w=780)
Ադրբեջանի նախագահ Իլհամ Ալիևը կնոջ՝ Մեհրիբան Ալիևայի հետ պետական այցով ժամանել է Տաշքենդ, օդանավակայանում նրանց դիմավորել է Ուզբեկստանի վարչապետ Աբդուլլա Արիպովը։ Այս մասին հաղորդում է ՏԱՍՍ-ը։
Այցի ծրագրի համաձայն՝ Տաշքենդում տեղի կունենան բարձր մակարդակի բանակցություններ և Բարձրագույն միջպետական խորհրդի առաջին նիստը՝ Ուզբեկստանի և Ադրբեջանի ղեկավարների նախագահությամբ։
Նախագահները կքննարկեն երկկողմ ապրանքաշրջանառության ավելացման, համագործակցության նախագծերի նոր պորտֆելի ձևավորման, գործարար կապերի զարգացման հարցեր, այդ թվում՝ միջտարածաշրջանային փոխանակման և տրանսպորտային-հաղորդակցական ներուժի իրացման, մշակութային-հումանիտար կապերի ակտիվացման շրջանակներում:
Նախագահները նաև կանցկացնեն համատեղ հանդիպում երկու երկրների բիզնեսի ներկայացուցիչների հետ, կմասնակցեն մի շարք գործարար և մշակութային միջոցառումների:
![](banners/armflix.jpg)