Եկեք սեպտեմբերի 2-ին անպայման այցելենք Արցախի Հանրապետության ներկայացուցչություն. Թևան Պողոսյան

Քաղաքագետ Թևան Պողոսյանն իր ֆեյսբուքյան էջում գրել է.

«Սեպտեմեբերի 2

Ցանկանում եմ կրկնել կոչս ու խնդրանքս. եկեք սեպտեմբրի 2-ին բոլորս այցելենք Արցախի Հանրապետության ներկայացուցչություն։ Հավատում եմ, որ Արցախը կրկին կդառնա մեր միասնության սկիզբը։ Այդ այցելությամբ կփաստենք բոլորիս համար, նաև աշխարհին, որ Արցախը կա և մենք պայքարելու ենք նրա համար։

Իսկ վստահությունս, որ միասնություն կլինի, փաստեմ մեկ օրինակով։ 2012-2017թթ. լինելով ՀՀ ԱԺ ընդդիմադիր պատգամավոր՝ տասնյակ անգամներ մեկնել եմ Արցախ՝ ԱԺ պատվիրակության կազմում։ Այն, որ ուղղակի որպես Թևան, Արցախում եղել եմ հնգապատիկ ավելի շատ անգամներ, այլ հարց է։ Հիմա խոսքը պաշտոնական կարգավիճակի մասին է։ Պատվիրակության անդամներն իրար ընդդիմացող խմբակցություններից էին. ոմանք նույնիսկ իրենց խոսքում կամ վարքագծում, երևանյան դահլիճներում կամ փողոցում երբեմն անցնում էին կարմիր գծերը` անգամ անձնական դաշտում։ Անգամ երբ պատվիրակության անդամները նստում էին մեքենա, որ մեկնեն Արցախ, այդ վերաբերմունքը և համապատասխան վարքագիծը դեռևս զգացվում էր։ Բայց հենց անցնում էինք «Ազատ Արցախը ողջունում է ձեզ» կամ «Բարի գալուստ Արցախ» ցուցանակները, ինչ-որ բան էր կատարվում, աստվածայի՞ն միգուցե, անձնական բոլոր խնդիրները և բարդույթները մի կողմ էին դրվում։ Բոլորը նույն զգացումն էին ունենում, ասես ինչ-որ սուրբ տեղ են եկել, և առաջնային էր դառնում միասնական լինելը։ Ասեմ, որ բացի քաղաքական դաշտից, այս նույն աստվածային հրաշագործությունը զգացել եմ նաև տարբեր մասնագիտական համայնքների պատկանող մարդկանց մոտ, անգամ անկախ ազգությունից՝ լինեն հայ, թե այլազգի։ Այո, Արցախն ունի այդ աստվածային ուժը։ Սա նշում եմ, որ մեկ անգամ ևս շեշտեմ՝ Արցախը միասնություն կերտելու աստվածային ուժ ունի։

Նորից եմ խնդրում եմ, կոչ եմ անում, որ սեպտեմբերի 2-ին անպայման գտնենք այդ մի քանի րոպեն և գնանք Արցախ։ Շատ են հարցնում ժամերի մասին, ինչ որ բան անելու մասին,… հուսամ Արցախի իշխանությունները կներկայացնեն իրենց մոտեցումները, բայց իմ համար մեր ներկայություն է կարևոր։ 
Օրինակ Արցախի ՀԱԵ թեմի առաջնորդը կարող է հրավիրել բոլոր սրբազաններին համատեղ աղոթքի, իմ լավ բարեկան Նարեկ Գալստյանը առաջարկում էր ինչ-որ մի կոչ/պետիցիա ստորագրել բոլոր այցելուների կողմից. Այլ առաջարկներ նույնպես լսել եմ։ Բոլորը ընդունելի են և իրագործելի։ Բայց առաջին քայլը դա  հենց գիտակցված, սրտանց արված և միայն սեփական պատասխանավության վրա հիմնված քայլն է՝ այցելելն է։ 

Այցելեք խմբերով, մենակ, անկախ ամեն ինչից: Արցախը միշտ է իմացել ինչպես միավորել, և վստահ եմ, որ այդ օրն այն մեզ նորից կմիավորի: Վստահ եմ, երբ ոտք դնեք ներկայացուցչության տարածք, միավորման և միասնականության այդ աստվածային ուժը կզգաք։

Արցախը մեր բոլորի կարիքն ունի:

Հուսամ, որ սեպտեմբերի 2-ին հազարավոր հայերի հոսք կլինի դեպի Արցախի Հանրապետության ներկայացուցչթյուն։ Հասցեն՝ ք.Երևան, Նաիրի Զարյան 17 ա/2»:

Այս թեմայով Սեպտեմբերի 18-ից հոկտեմբերի 1-ը Լարսը փակ է լինելու Արցախի բռնազավթման և Արցախի ժողովրդի բռնի տեղահանության տարելիցի կապակցությամբ Եռաբլուրում տեղի կունենա հարգանքի տուրք «Արցախի 75%-ը կա՛մ գրավվել է, կա՛մ քաղաքական պայմանավորվածությունների հետևանքով՝ հանձնվել». Բեգլարյան (տեսանյութ) «Արցախի 100 մլրդ դոլարի կորուստը հայ ժողովրդի պատմության ամենամեծ թալանն է». Ղազարյան (տեսանյութ) Սեպտեմբերի 18-ի աստղագուշակ Իշխանությունն Արցախի հետ տեղի ունեցածի պատասխանատվությունն ուզում է բաշխել բացառապես արցախցիների վրա. Տիգրան Աբրահամյան Աստղագուշակ՝ սեպտեմբերի 17-ի համար Օրվա խորհուրդ. սեպտեմբերի 17 «Վստահ էի՝ Աստծո տված է, Աստված իրեն պահելու է. մեկը դուռս չբացեց, չասաց, թե ինչ եղավ, ինչու իմ տղան չկա». հրետանավոր Նարեկ Հայրապետյանն անմահացել է 2022 թ. սեպտեմբերի 13-ին. «Փաստ» Եկեք Գյումրի, փողոցում ցանկացած մեկից հարցրեք՝ ո՞վ է Անդրանիկ Քոչարյանը, իրենք ձեզ կասեն. Միքայել սրբազան