Հրապարակվել է ՔԿՀ-ներում օգոստոս ամսվա ընթացքում հայտնաբերված արգելված իրերի թիվը

ՀՀ ԱՆ քրեակատարողական ծառայությունը շարունակում է պայքարը քրեակատարողական հիմնարկներ թմրամիջոցների և արգելված իրերի ներթափանցման, ազատազրկված անձանց կողմից դրանց պահման և ապօրինի շրջանառության դեպքերը բացահայտելու և կանխելու ուղղությամբ։ Այս մասին հաղորդում է ՔԿԾ-ն:

«Քրեակատարողական ծառայության կենտրոնական մարմնի օպերատիվ վարչության տարածքային բաժինների և քրեակատարողական հիմնարկների անվտանգության ապահովման բաժինների ծառայողները 2024 թվականի օգոստոսի ընթացքում ազատազրկված անձանց անձնական զննությամբ, նրանց համար բերված հանձնուքներում առկա էլեկտրատեխնիկայի, սննդի միջից, այցելության եկած քաղաքացիների մոտից, ներնետված, ինչպես նաև խցերի աղբամաններում, պահարաններում, հատակի տակ և բնակելի գոտու այլ հատվածներում պատրաստված թաքստոցներից հայտնաբերել են թմրամիջոցների նմանվող զանգվածներ, 129 բջջային հեռախոս, բջջային հեռախոսի 118 պարագա, 10 wi-fi սարք, 11 կտրող-ծակող առարկա, 156,6 լիտր ինքնաշեն ոգելից խմիչք և արգելված այլ իրեր։  

Թվարկված բոլոր դեպքերով նախաձեռնվել են քրեական, վարչական, կարգապահական վարույթներ, նշանակվել են դատաքիմիական փորձաքննություններ։

Քրեակատարողական ծառայությունը կոչ է անում պատասխանատվության չենթարկվելու համար զերծ մնալ անօրինական գործողություններից և խստագույնս պահպանել քրեակատարողական հիմնարկներ այցելելու՝ օրենքով սահմանված պահանջները»,-գրված է հաղորդագրության մեջ:

Այս թեմայով Հնդկաստանի երկու քաղաքացի կալանավորվել է Հայաստանում թմրամիջոցների ապօրինի շրջանառության մեղադրանքով Եվրամիությունում ապաստանի նոր դիմումների թիվը նվազել է Ռուսական բանակի թիվը կավելանա․ Պուտինը հրամանագիր է ստորագրել Անցած շաբաթվա ընթացքում Հայաստանում կարմրուկի ոչ մի դեպք չի արձանագրվել Գազայում զոհերի թիվը հասել է 41 հազար 206-ի Հոկտեմբեր ամսվա տոնական և ոչ աշխատանքային օրերը Իսրայելի պաշտպանության բանակը հայտնել է մեկ շաբաթվա ընթացքում «Հեզբոլլահ»-ի ավելի քան 140 թիրախի ոչնչացման մասին Վիետնամում թայֆունի հետևանքով զոհերի թիվը հասել է 226-ի (լուսանկարներ) 1 օրվա ընթացքում հանրապետությունում արձանագրվել է ճանապարհատրանսպորտային 20 պատահար, 3 մարդ զոհվել է Հանրապետությունում գրանցված հանցագործությունների թիվը նախորդ տարվա համեմատ նվազել է․ ՆԳՆ