51-ամյա վարորդը ВАЗ 2114-ով բախվել է երկաթե սյանը․ վարորդը տեղում մահացել է
Emergency Case![51-ամյա վարորդը ВАЗ 2114-ով բախվել է երկաթե սյանը․ վարորդը տեղում մահացել է](/timthumb.php?src=disc/26-09-23/6bb9d79732609cddfb574e7396ff3e7b.jpg&w=780)
Այսօր՝ սեպտեմբերի 26-ին, ողբերգական ավտովթար է տեղի ունեցել Գեղարքունիքի մարզում։ Ժամը 14։45-ի սահմաններում Գեղարքունիքի մարզի բնակիչ, 51-ամյա Հայկ Թ․-ն իր վարած ВАЗ 2114 մակնիշի ավտոմեքենայով Սարուխան գյուղի Վազգեն Սարգսյան փողոցում, դեռևս անհայտ հանգամանքներում, դուրս է եկել երթևեկելի գոտուց, բախվել երկաթե սյանն ու քարերին։
Ինչպես հայտնում է ֆոտոլրագրող Գագիկ Շամշյանը, բախման հետևանքով վարորդը տեղում մահացել է։
Օպերատիվորեն դեպքի վայր են ժամանել ՀՀ Ներքին գործերի նախարարության Ոստիկանության Պարեկային ծառայության Գեղարքունիքի մարզի գումարտակի 2-րդ վաշտի 1-ին դասակի պարեկները՝ գումարտակի հրամանատար Ալբերտ Մարտիրոսյանի, գումարտակի տեխնիկայի գծով ավագ տեսուչ Բակուր Սարիբեկյանի, գումարտակի ավագ տեսուչ Ներսիկ Գրիգորյանի և դասակի հրամանատար Գրիգոր Ալեքսանյանի գլխավորությամբ։
Տեղում տարածքը սահմանազատել և ծառայություն են կատարել նույն վաշտի պարեկներ Արայիկ Գալստյանն ու Գնել Պողոսյանը։
Դեպքի վայր են ժամանել նաև ՀՀ ՆԳՆ Ոստիկանության Գավառի բաժնի օպերատիվ խումբը՝ բաժնի պետ Պետրոսյանի գլխավորությամբ։
Առավել մանրամասն՝ սկզբնաղբյուր կայքում։
![](banners/armflix.jpg)