Իրանի արտգործնախարարը հանդիպել է Հայաստանում և Ադրբեջանում իր երկրի դեսպանների հետ
Political![Իրանի արտգործնախարարը հանդիպել է Հայաստանում և Ադրբեջանում իր երկրի դեսպանների հետ](/timthumb.php?src=disc/26-11-23/2c5f001d524acd1218d5189225518e1f.jpg&w=780)
Իրանի արտաքին գործերի նախարար Հոսեյն Ամիր Աբդոլլահիանը հանդիպել է Հայաստանում և Ադրբեջանում իր երկրի դեսպանների հետ։ Այս մասին նա հայտնել է X-ի իր միկրոբլոգում, տեղեկացնում է Tasnim-ը։
Իրանի արտաքին քաղաքական գերատեսչության ղեկավարն ընդգծել է Հարավային Կովկասի տարածաշրջանի կարևորությունը Իրանի արտաքին քաղաքականության մեջ՝ հայտարարելով, որ «Թեհրանն աջակցում է տարածաշրջանում ամուր խաղաղություն և կայունություն ապահովելու ջանքերին՝ առանց կողմնակի երկրների ներկայության»։
Բարձրաստիճան դիվանագետը նշել է, որ հանդիպմանը հստակեցրել է, որ հարավկովկասյան տարածաշրջանը լուրջ տեղ է զբաղեցնում Իրանի արտաքին քաղաքականության մեջ։
Ամիր Աբդոլլահիանը նշել է, որ ինքը նաև ընդգծել է Իրանի ԱԳՆ-ի ուշադրության կենտրոնացումը «առանց արտաքին միջամտության Հարավային Կովկասում ամուր խաղաղություն և կայունություն ապահովելու ջանքերի, ինչպես նաև բարիդրացիության քաղաքականության համապատասխան Հայաստանի և Ադրբեջանի հետ հարաբերությունների ընդլայնման վրա»։
![](banners/armflix.jpg)