ՀՀԿ-ն ու ՀՅԴ-ն ամեն ինչ անեն, իսկ դուք խորհրդարանական ընդդիմությանը վարկաբեկելով իշխանության գա՞ք. Շարմազանով
Blogosphere![ՀՀԿ-ն ու ՀՅԴ-ն ամեն ինչ անեն, իսկ դուք խորհրդարանական ընդդիմությանը վարկաբեկելով իշխանության գա՞ք. Շարմազանով](/timthumb.php?src=disc/27-11-23/008ce35d1280dc580971557de53bdaf1.jpg&w=780)
ՀՀԿ ԳՄ անդամ Էդուարդ Շարմազանովը գրում է․ «Պայքարեք նիկոլիզմի, այլ ոչ թե խորհրդարանական ընդդիմության դեմ։
Տրամաբանական չէ, երբ Նիկոլ Փաշինյանին ազգային աղետ համարող որոշ ընդդիմադիր գործիչներ հրապարակավ «քար են նետում» խորհրդարանական ընդդիմության վրա։ Սրտացավ ընդդիմադիրը ոչ թե հրապարակավ պետք է մեղադրի իր խորհրդարանական գործընկերներին, այլ հանդիպի հետներն ու առաջարկի ավելի արդյունավետ գործելու ծրագիրը։ Հակառակ դեպքում տպավորություն է ստեղծվում, թե այս ամենն արվում է ապագայում ընդամենը մանդատ ունենալու համար։
Սա է նաեւ պատճառներից մեկը, որ նիկոլիզմը դեռ գոյություն ունի։
Ո՞ր արտախորհրդարանական ընդդիմադիրի ձեռքն է բռնե՞լ խորհրդարանական ընդդիմությունը, դե գնացեք փողոց, գրավեք, ակցիա արեք, Նիկոլին հանեք… Խորհրդարանական ընդդիմությու՞նն է խանգարում։
Իսկ եթե կարծում եք՝ ամեն ինչ ՀՀԿ-ն ու ՀՅԴ-ն պետք է անեն, դուք էլ խորհրդարանական ընդդիմությանը վարկաբեկելով «սպիտակ ձեռնոցով» գալու եք՝ բարեւ ձեզ։ Հիմա էլ արտահերթ ընտրությունների մասին են շատերը երազում։ Պատրանք է կարծել, որ ընտրություններով Հայաստանում կարող է իշխանություն փոխվել։ Երեւանի ավագանու ընտրությունը ձեզ օրինակ։
Լուծումը՝ համախմբումն է, հանրային մեծ ճնշման ապահովումն ու խորհրդարանում նոր վարչապետի ընրությունը։
Մնացածը՝ ուտոպիա է»։
![](banners/armflix.jpg)