Իրանը պատրաստ է բարելավել ռազմական կապերը Սաուդյան Արաբիայի հետ
World![Իրանը պատրաստ է բարելավել ռազմական կապերը Սաուդյան Արաբիայի հետ](/timthumb.php?src=disc/30-11-23/3520af95a0473d7da3381a7f0d6c6553.jpg&w=780)
Իրանը պատրաստակամություն է հայտնել բարելավել ռազմական հարաբերությունները Սաուդյան Արաբիայի հետ։ «Արմենպրես»-ի փոխանցմամբ՝ ինչպես տեղեկացնում է IRNA-ն՝ այս մասին հայտարարել է Իրանի զինված ուժերի գլխավոր շտաբի պետ, գեներալ-մայոր Մոհամմադ Բաղերին:
Բաղերին և Սաուդյան Արաբիայի պաշտպանության նախարարը հեռախոսազրույցի ընթացքում մտքեր են փոխանակել երկկողմ հետաքրքրություն ներկայացնող հարցերի շուրջ։
Մոհամմադ Բաղերին բարձր է գնահատել Սաուդյան Արաբիայի կառավարության ջանքերը՝ Իսլամական համագործակցության կազմակերպության անդամ երկրների ղեկավարների արտահերթ գագաթնաժողովն ընդունելու համար:
Սաուդյան Արաբիայի պաշտպանության նախարարն իր հերթին ողջունել է երկու երկրի զինված ուժերի համագործակցության բարելավման առաջարկը։
Կողմերը միմյանց հրավիրել են այցելել իրենց երկրներ։
![](banners/armflix.jpg)