Փաշինյանի հայտարարություններն այն մասին, թե Ադրբեջանը պատրաստվում է պատերшզմի, անհիմն են. Ադրբեջանի ԱԳՆ
Foreign![Փաշինյանի հայտարարություններն այն մասին, թե Ադրբեջանը պատրաստվում է պատերшզմի, անհիմն են. Ադրբեջանի ԱԳՆ](/timthumb.php?src=disc/23-02-24/e0437e082dfa76047e5abe88e9f02834.jpg&w=780)
«Հայաստանի վարչապետ Նիկոլ Փաշինյանի կողմից ֆրանսիական France 24 հեռուստաալիքին տված հարցազրույցում Ադրբեջանի կողմից պատերազմի պատրաստվելու մասին հայտարարությունները անհիմն են»։ Ինչպես հաղորդում է APA-ն, այս մասին ասված է Ադրբեջանի ԱԳՆ հաղորդագրության մեջ։
«Գերմանիայի կանցլերի նախաձեռնությամբ տեղի ունեցած ղեկավարների վերջին հանդիպումից հետո Հայաստանի նման հայտարարությունները և դրանք հնչեցնելու վայրը Ֆրանսիան ընտրելը Հայաստանի կողմից Գերմանիայի ջանքերի նկատմամբ անհարգալից վերաբերմունք է:
Այն վկայում է խաղաղ գործընթացի վրա Ֆրանսիայի շարունակվող բացասական ազդեցության մասին»,- հայտարարել է Ադրբեջանի արտաքին քաղաքական գերատեսչությունը։
Ըստ Ադրբեջանի արտաքին գերատեսչության՝ հայտարարություններն այն մասին, որ Ադրբեջանը պատրաստվում է հարձակվել Հայաստանի վրա և չի պահպանում միջազգային իրավունքի սկզբունքները՝ առկա փաստերի ակնհայտ խեղաթյուրում են և նպատակ ունի մոլորեցնել միջազգային հանրությանը։
«Այն հայտարարությունները, թե Ադրբեջանը պատրաստվում է պատերազմի, վերջին շրջանում զանգվածային ռազմականացում իրականացնող և 5 ամիս տարածաշրջանի իրավիճակն ապակայունացնող Հայաստանի կողմից, բացարձակապես անհիմն են»,- ասվում է Ադրբեջանի ԱԳՆ հայտարարության մեջ։
![](banners/armflix.jpg)