Ղարիբաշվիլին հայտնել է՝ որ դեպքում կվերանայվի օտարերկրյա գործակալների մասին աղմկահարույց օրենքը
Georgia![Ղարիբաշվիլին հայտնել է՝ որ դեպքում կվերանայվի օտարերկրյա գործակալների մասին աղմկահարույց օրենքը](/timthumb.php?src=disc/20-04-24/f5cedb612a1f8b1005b1608115921843.jpg&w=780)
Օտարերկրյա գործակալների մասին օրենքը կվերանայվի, եթե Եվրամիությունը (ԵՄ) որոշի ընդունել հանրապետությունն իր կազմում՝ որպես ԵՄ անդամ։ Այս մասին ապրիլի 20-ին հայտարարել է իշխող «Վրացական երազանք» կուսակցության ղեկավար Իրակլի Ղարիբաշվիլին, գրում են միջազգային ԶԼՄ-ները։
«Եթե մեզ ասեն, որ վաղը մենք դառնալու ենք Եվրամիության անդամ, շատ հեշտ կլինի այն չեղարկել, վերանայել, վերափոխել կամ ընդունել նորը»,- լրագրողներին ասել է քաղաքական գործիչը։
Եվրոպական դիվանագիտության ղեկավար Ժոզեպ Բորելի մամուլի քարտուղար Պիտեր Ստանոն ասել է, որ Վրաստանի խորհրդարանի կողմից քննարկվող «Օտարերկրյա ազդեցության թափանցիկության մասին» օրինագիծը չի համապատասխանում ԵՄ սկզբունքներին և կարող է հետևանքներ ունենալ երկրի՝ միություն մուտքի վրա։
![](banners/armflix.jpg)