Ռիո դե Ժանեյրոյում Մադոննայի անվճար համերգին 1,6 միլիոն մարդ է մասնակցել (լուսանկարներ)
Photos![Ռիո դե Ժանեյրոյում Մադոննայի անվճար համերգին 1,6 միլիոն մարդ է մասնակցել (լուսանկարներ)](/timthumb.php?src=disc/06-05-24/b0901e1e494bee7371554b17f0cf6d58.jpg&w=780)
Մոտ 1,6 միլիոն մարդ հավաքվել է բրազիլական Կոպակաբանա լողափում՝ ամերիկացի երգչուհի Մադոննայի համերգին, հայտնում է The Guardian-ը։
Սա նրա Celebration World Tour-ի վերջին համերգն էր, որին ներկա լինելն անվճար էր:
Ոչ միայն լողափն էր լցված մարդկանցով, այլև Ռիո դե Ժանեյրոյի հարակից փողոցները։
Երկրպագուները իրենց տեղերը ամրագրել են վաղ՝ համերգից մի քանի օր առաջ։ Ավելի հարուստ երկրպագուները համերգին հետևել են զբոսանավերից կամ ծովափնյա բնակարանների պատշգամբներից:
Ռիո դե Ժանեյրոյում օդի ջերմաստիճանը ցերեկը հասել է 30 աստիճանի, իսկ համերգի ժամանակ՝ 27 աստիճանի, ուստի հրշեջները ջուր են լցրել ամբոխի վրա և անվճար բաժանել խմելու ջուր։
65-ամյա երգչուհու համերգին, որը տևել է ավելի քան երկու ժամ, ավելի քան երեք հազար ոստիկան է աշխատել։
Նահանգի և քաղաքային իշխանությունները նշում են, որ համերգի կազմակերպման համար ծախսել են մոտ 20 միլիոն ռեալ (3,94 միլիոն դոլար): Մնացած ծախսերը հոգացել են մասնավոր ներդրողները:
Նախնական հաշվարկներով՝ համերգը Ռիո դե Ժանեյրոյի տնտեսության մեջ ներգրավել է մոտ 300 միլիոն ռեալ (59,14 միլիոն դոլար):
![](disc/06-05-24/00931f87db58b05584d3325f13641656.jpg)
![](disc/06-05-24/496403e77c56a5d2c7f03ddd487fd69e.jpg)
![](disc/06-05-24/9935f63a33e6bbf31496742da1cdd590.jpg)
![](disc/06-05-24/ed825c78ac10b119fed5b753e8fec96b.jpg)
![](disc/06-05-24/64a564205235aceeff39e6a4b3b42c83.jpg)
![](disc/06-05-24/f9da3073b197d8ec092de919e0b40a38.jpg)
![](disc/06-05-24/5a92e4fa9251c05ecc07bd42589c3caf.jpg)
![](banners/armflix.jpg)