Մոսկվայում Պուտինի և Փաշինյանի այսօրվա հանդիպումը անհրաժեշտ է և երկու կողմերի համար սպասված. Պեսկով
Foreign![Մոսկվայում Պուտինի և Փաշինյանի այսօրվա հանդիպումը անհրաժեշտ է և երկու կողմերի համար սպասված. Պեսկով](/timthumb.php?src=disc/08-05-24/97c86b176d1c0811dbd0822b2e77dfeb.jpg&w=780)
Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հանդիպումը, որը կկայանա չորեքշաբթի՝ Մոսկվայում, անհրաժեշտ և սպասելի է երկու կողմերի համար, լրագրողներին ասել է պետության ղեկավարի մամուլի քարտուղար Դմիտրի Պեսկովը, փոխանցում է ՌԻԱ Նովոստին։
«Պետության ղեկավարը շարունակում է խիստ հագեցած աշխատանքային գրաֆիկ ունենալ։ Այսօր օրը հիմնականում նվիրված է եվրասիական ինտեգրման թեմային։ Օրվա կեսին Մոսկվայում կսկսվի Եվրասիական տնտեսական բարձրագույն խորհրդի նիստը, որը ավանդաբար կլինի նեղ ֆորմատով, ընդլայնված կազմով, մասնակիցները անպայման միասին կնկարվեն, այսպես կոչված՝ «ընտանեկան լուսանկար»։ Հատկանշական է, որ այս ընդլայնված կազմով հանդիպմանը, որը հիմնականում կապված է ԵվրԱզԷՍ-ի պայմանագրի ստորագրման տասնամյակի հետ, ներկա կլինեն Ուզբեկստանի և Կուբայի նախագահները՝ որպես դիտորդներ»,- ասել է Պեսկովը։
Նաև, նրա խոսքով, այս միջոցառման վերջնական փաստաթղթերը ստորագրելուց հետո Պուտինը ոչ պաշտոնական ընթրիք կտա ԱՊՀ մասնակից երկրների պատվիրակությունների ղեկավարների և Կուբայի նախագահի պատվին։
«Իսկ աշխատանքային օրվա ավարտին նախատեսվում է նաև առանձին երկկողմ հանդիպում նախագահ Պուտինի և Հայաստանի վարչապետ Փաշինյանի միջև։ Հանդիպումն անհրաժեշտ է և սպասված երկու կողմերի համար»,- ասել է Պեսկովը։
![](banners/armflix.jpg)