Թբիլիսիում իրավիճակը լարված է․ ցուցարարները Հերոսների հրապարակում են, նրանց բերման են ենթարկում
World![Թբիլիսիում իրավիճակը լարված է․ ցուցարարները Հերոսների հրապարակում են, նրանց բերման են ենթարկում](/timthumb.php?src=disc/15-05-24/e6a52b93ba2492de5b281326396f77e7.jpg&w=780)
Վրաստանի խորհրդարանում «գործակալների օրենքի» ընդունման դեմ բողոքող ցուցարարների մի մասը «ո՛չ ռուսական օրենքին» կարգախոսերով շարժվել է Թբիլիսիի Հերոսների հրապարակ: Երթևեկությունն այստեղ ևս կաթվածահար է:
Տեղում աշխատող «Ալիք Մեդիա Վրաստան»-ի փոխանցմամբ՝ ցուցարարները փակել են Հերոսների հրապարակ մտնող գրեթե բոլոր փողոցները։ Տեղում մոբիլիզացված ոստիկանները բռնությամբ շարունակում են բերման ենթարկել ակցիայի մասնակիցներին:
Հիշեցնենք, որ հանրահավաքի մասնակիցների զգալի մասը շարունակում է մնալ խորհրդարանի հարակից տարածքում՝ Ռուսթավելիի պողոտայում:
Ի դեպ, իշխող «Վրացական երազանքը» երրորդ ընթերցմամբ ընդունել է «ռուսական օրենքը»՝ հանրային լայնածավալ բողոքի ակցիաների և արևմտյան գործընկերների քննադատության ֆոնին։ Դրան աջակցել է 84 պատգամավոր, դեմ՝ 30։
![](banners/armflix.jpg)