Կներեք, խնդրում եմ, մենք շուտով կհեռանանք. Պուտին
Russia![Կներեք, խնդրում եմ, մենք շուտով կհեռանանք. Պուտին](/timthumb.php?src=disc/17-05-24/2a59f3ec6a3570df6ad793e736b4355c.jpg&w=780)
ՌԴ նախագահ Վլադիմիր Պուտինը Չինաստանի Հարբին քաղաքի պոլիտեխնիկական համալսարանի ուսանողների և դասախոսների հետ հանդիպման ժամանակ ներողություն է խնդրել Հարբինի բնակիչներից իր այցի պատճառով անվտանգության խստացված միջոցառումների համար։ Նա կատակով նշել է. «Մենք շուտով կհեռանանք», հաղորդում են ռուսական ԶԼՄ-ները։
«Ուզում եմ ուղղակի ներողություն խնդրել քաղաքի բնակիչներից այն բանի համար, որ մեր պատճառով (ես դա տեսա), անվտանգության բավականին խիստ միջոցներ են ձեռնարկվել։ Դե, ես մեղավոր չեմ, էլ ի՞նչ ասեմ»,- ժպտալով նշել է ՌԴ նախագահը:
Ըստ Վլադիմիր Պուտինի` տեղի անվտանգության աշխատակիցներն աշխատում են պրոֆեսիոնալ և կոշտ, «ինչպես պետք է», թեև դա «որոշակի անհարմարություններ է առաջացնում քաղաքացիների համար»:
«Կներեք, խնդրում եմ, մենք շուտով կհեռանանք, և ձեր կյանքը նորմալ հունին կվերադառնա»,-ասել է Պուտինը։
![](banners/armflix.jpg)