Վահե Դանիելյան․ Ֆիլիպ Մորրիսը ներդրումներ է կատարում ՀՀ կրթության մեջ
Այլ
Ֆիլիպ Մորրիսը ներդրումներ է կատարում ՀՀ կրթության մեջ: Այդ մասին հունիսի 10-ին IQOS նորարարական ապրանքատեսակի երևանյան առաջին մասնագիտացված վաճառասրահի բացմանը հայտարարեց Ֆիլիպ Մորրիս Հայաստանի Ինովացիաների, գիտական ներգրավվածության ու կորպորատիվ հարցերով կառավարիչը Վահե Դանիելյանը:
«Առաջիկայում կհայտարարենք Ֆիլիպ Մորրիսի աջակցությամբ մշակված ԵՊՀ-ի տվյալագիտության ոլորտում մագիստրոսական ծրագրի ընդունելության մասին։ Պլանավորում ենք նաև օժանդակել մի շարք ոլորտներում հիմնարար ու կիրառական հետազոտություններով զբաղվող տաղանդավոր ասպիրանտներին ու գիտական խմբերին։ Եվ այս ամենը դեռ սկիզբն է․ հետևեք նորություններին»,-նշեց նա։
Հիշենք, որ դեռևս անցած տարի Ֆիլիպ Մորրիս Ինթերնեյշնլը ՀՀ կառավարության, Երևանի Պետական համալսարանի ու Հայաստանի Ազգային Պոլիտեխնիկական Համալսարանի հետ փոխըմբռնման հուշագրեր ստորագրեց։ Ընկերությունը հայտնեց իր պատրաստակամությունն ու հետաքրքրվածությունը նպաստելու Հայաստանում բարձր որակի մարդկային կապիտալի ձևավորմանը՝ հետազոտությունների ու մշակումների ոլորտում երկարաժամկետ ու բեղուն գործունեություն ապահովելու միջոցով:
Ֆիլիպ Մորրիսը աշխարհում ունի երկու գիտահետազոտական կենտրոն՝ տեղակայված Շվեյցարիայում և Սինգապուրում։ «Մեզ համար մեծ պատիվ է, որ հենց Հայաստանն է ընտրվել որպես հաջորդ երկիր, որտեղ Ֆիլիպ Մորրիսը գիտահետազոտական գործունեություն կծավալի։ Անձամբ ես մեծապես ոգևորված եմ այն հիանալի հնարավորությամբ, որ կստանան հայ գիտնականները, այն է՝ համագործակցել համաշխարհային համբավ վայելող ավելի քան 430 մասնագետների հետ, ովքեր ներկայումս ներգրավված են Ֆիլիպ Մորրիսի գիտահետազոտական նախագծերի իրագործման մեջ», - ընդգծեց կառավարիչը:
Նա տեղեկացրեց, որ գիտահետազոտական կենտրոնը տեղակայված է լինելու Հայաստանի Ազգային Պոլիտեխնիկական Համալսարանի տարածքում։ Վերանորոգման աշխատանքներն արդեն մեկնարկել են։ «Բացի այդ, մենք պլանավորում ենք սերտ համագործակություն Հայաստանի գիտական ինստիտուտների ու լաբորատորիաների հետ, ինչը, անխոս, կնպաստի երկրում գիտահետազոտական ոլորտի աշխուժացմանը։ Ֆիլիպ Մորրիսը ներդրումներ է կատարում նաև ՀՀ կրթական համակարգում», - ընդգծեց Դանիելյանը։
Ֆիլիպ Մորիս Արմենիան (PMA) Ֆիլիպ Մորիս Ինթերնեյշնլ (PMI) առաջատար միջազգային ծխախոտային ընկերության հայաստանյան ներկայացուցչությունն է: 2018 թվականի մարտից PMA-ը մեկնարկել է առանց ծխի հեղափոխական IQOS ապրանքատեսակի վաճառքը Հայաստանում։
Ամենադիտված 
«Գազելի» վթարի հետևանքով զոհերի թիվն ավելացել է․ նոր մանրամասներ
