Լանսարոտի կոնվենցիայով մեզ կարող են ստիպել սեռական դաստիարակություն առարկա ուսուցանել դպրոցում. Ալեքսանդր Կոչուբաև

Նախորդ շաբաթ ԱԺ-ն վավերացրեց Լանսարոտի կոնվենցիան, որին անմիջապես հաջորդեցին հանրային տարբեր կարծիքներ՝ կոնվենցիայի վերաբերյալ: Մի մասը պնդում է, որ կոնվենցիան պաշտպանում է երեխաներին Սեռական շահագործումից և սեռական բնույթի բռնություններից, մյուսների խոսքով՝ դա հող է նախապատրաստում դպրոցներում սեռական դաստիարակություն սկսելու համար: ԼՈՒՐԵՐ.com-ի թղթակիցը զրուցեց փաստաբան Ալեքսանդր Կոչուբաևի հետ պարզելու, թե որն է ճշմարտությունը և կոնվենցիայի վավերացմամբ՝ Հայաստանը ինչ իրավական պարտավորություններ է ստանձնում:

«Ճշմարտությունն այդ երկու բևեռների մեջտեղում է, քանի որ կոնվենցիան մանկապղծության դեմ պայքարի մասին է և  սեռական կրթությանը վերաբերող դրույթներ է պարունակում: Կոնվենցիան Եվրոպայի խորհրդի շրջանակում ընդունված «Երեխաներին սեռական շահագործումից և սեռական բնույթի բռնություններից պաշտպանության մասին» է, որը հիմնականում վերաբերում է քրեաիրավական դաշտին, միջազգային համագործակցությանը, նաև մանկապղծության կանխարգելում»,-ասաց նա:

Կոչուբաևի խոսքով՝ միակ կետը, որը կոնվենցիայում խնդրահարուց է՝ կապված է 6-րդ հոդվածի հետ. «Հայաստանի Հանրապետությունը ունի հանձնառություն՝ ձեռնարկելու օրենսդրական և այլ միջոցառումներ, որպեսզի երեխաներին իրազեկեն  սեռական շահագործման և սեռական բռնությունների վտանգների մասին: Ընդ որում, այդ նորմը ունի մի քանի կարգավորում, օրինակ՝ դա կարող է արվել ընտանիքների միջոցով կամ օրեսդրական միջոցներով: Ամբողջ խնդիրը հենց օրեսդրական միջոցների կիրառումն է, երբ երեխաներին պետք է իրազեկենք բռնության և սեռական շահագործման մասին, սակայն մինչ դա՝ երեխային  պետք է բացատրենք, թե առհասարակ ինչ է սեռական ակտը: Ընդ որում, իրազեկման թիրախները տարրական և միջնակարգ դպրոցների երեխաներն են»:

Փաստաբանը նշեց, որ դեռ հայտնի չէ, թե ինչպիսի ռազմավարություն, մոդել և ստանդարտ ՀՀ-ը կկիրառի այդ իրազեկման աշխատանքներն իրականացնելու համար. «Այստեղ մենք խնդիր ունենք, քանի որ միջազգային առումով արդեն իսկ առկա է ընդունված չափանիշ, մասնավորապես՝ Առողջապահության համաշխարհային կազմակերպության կողմից ընդունված «Սեռական կրթությունը Եվրոպայում» վերնագրով փաստաթուղթը: Այնտեղ մանրամասն նկարագրված են սեռական ոլորտին առնչվող բոլոր հասկացությունները, այդ թվում՝ գենդերային հարցեր, սեռական ակտ, սեռական բռնություն և այլ: Եվ ըստ տարիքային ցենզերի՝ սահմանված է, թե որ տարիքում, երեխային ինչ պետք է սովորեցնել: Ցավոք, այստեղ կան այլասերվածության հասնող միտումներ: 6-9 տարեկան երեխան պետք է ստանա գիտելիքներ ինքնաբավարարման, գենդերային ինքնության, սեռական ակտի մասին»:

Նա նաև նշեց, որ այս ընթացքում առիթներ է ունեցել զրուցելու բժիշկ-սեքսոլոգների հետ, ովքեր պնդում են, որ երեխաները մինչև 9 տարեկան սեքսուալության հատկանիշով օժտված չեն, այսինքն՝ գիտելիքներ նրանց պետք չեն:

«Կոնվենցիայի հետ կապված միակ մտավախությունն այն է, որ ստեղծվելու է միջանցք, որպեսզի այս միջազգային ստանդարտ համարվող դրույթները ներմուծվեն մեր կրթական համակարգ: Չեմ ցանկանում ժամանակից առաջ անցնել և մեղադրել իշխանությանը, որ ստանդարտները կկիրառվեն, սակայն այս կոնվենցիայով ստեղծվում է իրավական հնարավորություն: Մենք ապահովագրված չենք, որ կոնվենցիան ի վերջո մեզ չի պարտադրի ընդունել ստանդարտները: Վավերացումից հետո եվրոպական հաստատությունների կողմից մոնիթորիգներ կանցկացվեն, և, եթե ՀՀ-ն մասամբ կատարի իր պարտավորվածությունները, ապա միջազգային կառույցները՝ իրավական գործիքակազմի կիրառմամբ, կարող են  ստիպել, որպեսզի ֆորմալ կրթական մակարդակում ունենաք սեռական դաստիարակություն առարկան դպրոցում»,-ընդգծեց նա:

Այս թեմայով Թալանել են փաստաբան Ալեքսանդր Կոչուբաևի ավտոմեքենան․ Էրիկ Ալեքսանյան Գլխարկ, դպրոց, ցնցուղ․ Հայաստանի իշխանությունները բարձրացնու՞մ են իրենց վարկանիշը. Ալեքսանդր Իսկանդարյան (տեսանյութ) Սերբիայի նախագահ, Ռուսաստանի լավ բարեկամ Ալեքսանդր Վուչիչի հետ ջերմ ու բովանդակալից հանդիպումով բացեցի միջազգային շփումների նոր շարքը. Մհեր Ավետիսյան «Մոնթե Մելքոնյանի անվան ռազմամարզական վարժարան»-ի տնօրենի պաշտոնակատար է նշանակվել Ալեքսանդր Մանուչարյանը Ալեքսանդր Պետրակովը՝ Հայաստանի 2023 թ. լավագույն մարզիչ Ալեքսանդր Պետրակովի հետխաղային ասուլիսը (տեսանյութ) Ալեքսանդր Պետրակովը հրապարակել է Հայաստանի ազգային հավաքական հրավիրված ֆուտբոլիստների ցանկը Քերոբյանը Աբու Դաբիում Զիյադ Ալեքսանդր Հայեքի հետ քննարկել է ՀՀ-ում պետություն-մասնավոր գործընկերության հարցերը Եթե պարտվենք Թուրքիային, կզրկվենք ուղեգրի համար հետագա պայքարից․ Ալեքսանդր Պետրակով ՀՀ նախագահը դեսպաններից 3-ին հետ է կանչել և նոր նշանակումներ արել. Հետ է կանչվել նաեւ Ալեքսանդր Արզումանյանը