Մեսսին պատմել է, թե ինչպես իր դեմ հարուցված քրեական գործի պատճառով կարող էր լքել «Բարսելոնան»․ RAC1
Սպորտ«Բարսելոնայի» հարձակվող Լիոնել Մեսսին խոստովանել է, որ կարող էր լքել կատալոնական ակումբը 2016 թվականին` իր դեմ հարուցված քրեկական գործի պատճառով: Չորս տարի առաջ Մեսսին իր հայրիկի հետ միասին մեղավոր էր ճանաչվել 2007-2009 թվականների ընթացքում Իսպանիայում ավելի քան չորս միլիոն եվրո հարկեր չվճարելու մեջ: Արդյունքում՝ Մեսսին դատապարտվեց պայմանական ազատազրկման: Ավելի ուշ պատիժը փոխարինվեց տուգանքով: «Այն ժամանակ ես ուզում էի Իսպանիայից հեռանալ հարկերի հետ կապված խնդիրների պատճառով: «Բարսելոնան» լքելու մտադրությանս պատճառը դա էր: Ես զգում էի, որ ինձ իմ երկրում վատ են վերաբերվում և չէի ցանկանում մնալ Իսպանիայում: Ես այլ ակումբներից պաշտոնական առաջարկ չեմ ստացել, քանի որ բոլորը գիտեին, որ ես, բոլոր դեպքերում, ցանկանում եմ մնալ «Բարսելայում», - ասաց Մեսսին RAC1-ին: «Իմ ընտանիքի համար ծանր ժամանակներ էին: Մարդիկ չգիտեն, թե ինչ է տեղի ունեցել իրականում: Լավ է, որ իմ երեխաները շատ փոքր էին և չէին հասկանում իրավիճակի լրջությունը: Հիմա ես ուզում եմ մնալ «Բարսելոնայում» և այստեղ ավարտել կարիերաս: Հիմա արդեն ես լավ եմ զգում ինչպես ակումբում, այնպես էլ քաղաքում, իմ ընտանիքն ու երեխաները՝ նույնպես», - ավելացրեց Մեսին:
2019/20 մրցաշրջանում Մեսսին Իսպանիայի առաջնությունում անցկացրել է 22 հանդիպում, որոնցում դարձել է 19 գոլի հեղինակ: