31-ամյա մահացած ծննդկանը 5 օր շարունակ այդպես էլ չի տեսել երեխային

Մայիսի 24-ին կորոնավիրուսային վարակ ունեցող 31-ամյա կնոջ մոտ ծննդաբերությունից հետո թոքային զարկերակի թրոմբոէմբոլիա է առաջացել, ինչի հետևանքով հանկարծամահ է եղել: Այս մասին հայտնել է առողջապահության նախարարության խոսնակ Ալինա Նիկողոսյանը: ԼՈՒՐԵՐ.com-ի թղթակիցը զրուցել է կնոջ բնակության վայրի՝ Արարատի մարզի Ուրցաձոր համայնքի ղեկավար Ռաֆիկ Անդրեասյանի հետ: 

«Ինքը թոքերի խնդիր է ունեցել, ես չեմ կարծում, որ կորոնավիրուսից է մահացել:  Ընտանքին ճանաչում եմ, գիտեմ՝ խնդիրը նոր չէ»,- ասում է համայնքապետն ու ավելացնում, որ կնոջը ջերմության պատճառով մեկուսացրել են մինչ ծննդաբերությունը:

Համայնքապետից տեղեկանում ենք, որ կինը Ինֆեկցիոնում է եղել սկզբում, սակայն երեխան ծնվել է այլ հիվանդանոցում:

«Ինքը, ինչքան գիտեմ, երեխային ունեցել է կեսարյան հատման միջոցով, քանի որ ջերմություն է ունեցել, երեխային առանձնացրել են ու 5-րդ օրը մահացել է, այդպես էլ չի տեսել երեխային...»,- համայնքապետը նաև նշում է, որ կինը մինչ այս, մեկ երեխա է կորցրել, բայց որդի ունի, նորածինն էլ աղջիկ է:

Հետաքրքրվեցինք նաև ընտանիքից, ասաց, որ բազմաշունչ ընտանիք են, ամուսինը արտագնա աշխատանքների է գնացել  գրեթե միշտ, այս տարի չի կարողացել, տանն է: Հարցին՝ նրանք ևս մեկուսացված են եղել, համայնքապետը պատասխանեց՝ ընտանիքի անդամներից տեղյակ չեմ, բայց որքան գիտեմ, նրանք տանն են ու մեկուսացված չեն էլ եղել: 

Անդրեասյանից տեղեկացանք, որ գյուղում մի ընտանիքում են վարակվածություն կասկածել, թեստավորել, ու թեստը բացասական է եղել: Երեք օր առաջ ընտանիքի անդամներն ու երեխաները տուն են վերադարձել:

Այս թեմայով Կորոնավիրուսի ժամանակ 829 կեղծ պատմագրի հիման վրա ԱՆ–ից հափշտակվել է 263 մլն 480 հազար դրամ Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել ՀՀ-ում կորոնավիրուսի շտամներ են շրջանառվում Աշխարհում ավելացել է COVID-19-ով հիվանդացության դեպքերի թիվը Սպիտակ տանը զգուշացրել են ԱՄՆ-ում կորոնավիրուսի նոր ալիքի հավանականության մասին. Washington Post ԱՄՆ-ն մայիսի 12-ից չեղարկում է օտարերկրացիների համար Covid-ի դեմ պարտադիր պատվաստումը Չինաստանը տեղեկություններ ունի, որոնք կարող են լույս սփռել COVID-19-ի ծագման վրա. ԱՀԿ Բայդենը հավանություն է տվել կորոնավիրուսի պատճառով սահմանված արտակարգ դրության չեղարկմանը Ընտանիքը 330 հազար դրամի դիմաց քովիդի դեմ պատվաստման կեղծ սերտիֆիկատ է ստացել․ բացահայտում ԱՀԿ ղեկավարը վստահություն է հայտնել` 2023 թվականին COVID-19 համաճարակը կավարտվի