Մասիս Մայիլյանը հերթական անգամ դավաճանեց իր թիմին. պաշտոն ստացավ՝ չդառնալով ընդդիմություն

Այսօր առավոտյան Արցախի նորընտիր նախագահ Արայիկ Հարությունյանը ներկայացրեց կադրային նոր նշանակումները: Նախագահական ընտրություններում Հարությունյանի հիմնական մրցակիցը՝ Մասիս Մայիլյանը, նշանակվել է ԱԳ նախարար: Այս որոշման մասին Արցախի նախագահը, մասնավորապես, նշեց, որ դա քաղաքական առևտուր չէ: Թեմայի շուրջ ԼՈՒՐԵՐ.com-ը զրուցեց Արցախի նախագահի նախկին թեկնածու Բելլա Լալայանի հետ:

«Ինձ համար նշանակումն ու Մայիլյանի համաձայնելը անակնկալ չէր: Դեռ 2007 թվականին Մայիլյանը նախագահի թեկնածու էր առաջադրվել և դարձյալ բավականին կոշտ քարոզարշավ էր վարել, խիստ քննադատություններ հնչեցրել  իշխանության հասցեին, բայց չընտրվելով՝ համաձայնության գնաց նույն իշխանությունների հետ և դարձավ  իշխանության մաս: Դեռ այն ժամանակ դավաճանեց իր թիմին և չդարձավ ընդդիմություն»,-ասաց նա:

Լալայանը նշեց, որ իր տեղեկություններով հիմա էլ Մայիլյանի թիմակիցները դժգոհ են Մայիլյանից.«Որքանով տեղյակ եմ  Մայիլյանի թիմակիցների համար նրա որոշումը անսպասելի է եղել: Բայց ինձ համար անակնկալ չէր, քանի որ նման իրավիճակի արդեն ականատես եղել եմ»:

Անդրադառնալով Արայիկ Հարությունյանի այս որոշմանը՝ Լալայանը նշեց. «Հարությունյանը փորձում է բոլոր ուժերին համախմբել իր շուրջը, որը շատ բնական է երկրի ղեկավարի դեպքում: Նա հստակ գիտակցում է, որ պետք է ամեն ինչ անի, որպեսզի իրեն խանգարող ներքին ուժեր չլինեն, որի արդյունքում էլ կկարողանա իր նախընտրական ծրագրերն իրականացնել: Երկրի ղեկավարի դեպքում այս պահվածքը տրամաբանական է, զարմանալին՝ Մայիլյանի պահվածքն է»:

Լալայանի խոսքով՝ Մայիլյանի դեպքում, շատ ավելի տրամաբանական կլիներ, եթե նա ընդդիմություն դառնար՝ հաշվի առնելով  քարոզարշավի ժամանակ նրա հնչեցրած  խիստ գնահատականներն ու դժգոհությունները:

«Տրամաբանական կլիներ, եթե իր թիմի հետ միասին Մայիլյանը դառնար ընդդիմություն և խոշորացույցի տակ պահեր  իշխանության յուրաքանչյուր քայլը»,-ընդգծեց նա:

Արայիկ Հարությունյանի մեկ այլ որոշմամբ, նախկին իշխանության ներկայացուցիչներից Սամվել Բաբայանը  նշանակվել է Անվտանգության խորհրդի քարտուղար:

Պատասխանելով Հարությունյանի այս նշանակմանը վերաբերող մեր հարցին, Լալայանը նշեց.«Սամվել Բաբայանի կուսակցությունը քաղաքական ուժ է՝ խորհրդարանում իր տեղն ունեցող: Այս նշանակումը տրամաբանական է, քանի որ նրանք մեծությամբ երկրորդ կուսակցությունն են և պետք է նրանց հետ հաշվի նստել: Բայց Մասիս Մայիլյանի կուսակցությունը խորհրդարան չի անցել և Արայիկ Հարությունյանը կարող էր Մայիլյանին պաշտոն չառաջարկել: Թերևս, նախագահի նման որոշման համար հիմք է հանդիսացել Մայիլյանի աշխատանքային փորձառությունը»:

Լալայանը հիշեցրեց, որ Հարությունյանը մեկ անգամ չէ որ հայտարարել է, որ իր համերաշխությունը կարևոր է.«Թերևս նա իր շուրջն է հավաքում բոլոր ուժերին, որպեսզի ներքին խնդիրներ չլինեն և կարողանա հիմնական ուժերը ուղղել տնտեսության զարգացմանը և անվտանգությոն հարցերին, քանի որ դրանք շատ կարևոր են»:

Այս թեմայով Ռուսական խաղաղապահ գրեթե ողջ զորակազմն արդեն լքել է ԼՂ-ն, մնացած մասը կլքի այն մինչև մայիսի վերջ Ղրղզստանի նախագահն ու Ալիևը կայցելեն օկուպացված Արցախ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am