Ծառուկյանի համակիրներից 154-ին բերման են ենթարկել
Society13:30-ի դրությամբ 154 անձ վարչական իրավախախտում կատարելու համար բերման է ենթարկվել ոստիկանություն: Այս մասին ԼՈՒՐԵՐ.com-ի հետ զրույցում ասաց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը։
«Վարչական իրավախախտման վերաբերյալ արձանագրություններ են կազմվել բոլորի նկատմամբ»,- փոխանցեց նա:
Նշենք, որ այսօր ԱԺ-ում քննարկվում էր ԲՀԿ ղեկավար Գագիկ Ծառուկյանին անձեռնմխելիությունից զրկելու և նրա նկատմամբ քրեական հետապնդում սկսելու հարցը: Վաղ առավոտից ԱԺ-ի դիմաց 100-ավոր ոստիկաններ, ոստիկանական մեքենաներ էին կուտակվել: Տարածքում գտնվող Ծառուկյանի համակիրներին, որոնք ի հաջակցություն նրա այնտեղ էին, հերթով բերման էին ենթարկում ոստիկանության բաժիններ: