«Խորհուրդ Էդմոն Մարուքյանին»

«Հայաստան» համահայկական հիմնադրամի նախկին գործադիր տնօրեն, քաղաքագետ Արա Վարդանյանը Ֆեյսբուքի իր էջում գրում է.

«Խորհուրդ Էդմոն Մարուքյանին

Քաղաքականությունը կեղտոտ խաղերի համադրություն է, որում դու որպես անձ, քաղաքական ուժ պետք է կարողանաս մնալ մաքուր։ Ռեալ պոլիտիկսում դա իրոք շատ բարդ է և պահանջում է լուրջ կամային հատկություններ և ամենակարևորը` անձնական անկախություն։
Ինչպես գիտեք, Լուսավոր Հայաստան կուսակցությունը հայտարարել է, որ վաղն է տեղեկացնելու ՍԴ դիմելու վերաբերյալ իր դիրքորոշման մասին։ Ի՞նչ է սա նշանակում։
Սա իրականում դաշտում գործող գլխավոր խաղացողներին բանակցություններ սկսելու մեսիջ է, այսպես կոչված առևտրի փուլ։ Ով և ինչ է առաջարկելու այս անգամ դժվար է ասել։ Նիկոլը ըստ ամենայնի սկզբում կփորձի վախեցնել, բայց քիչ անց կհասկանա, որ վիճակը լուրջ է և միայն վախով նա որևէ ձև չունի Էդմոնին համոզել զերծ մնալ այս պրոցեսից։ Որպես առևտրի առարկա կարող են դիտարկվել պաշտոններ, կամ այլ խրախուսումներ։
Մյուս կողմից կա ԲՀԿ-ը որը չի կարող խոստանալ պաշտոններ, այլ կարող է միայն ապագայի մասին խոսելով խոստանալ համագործակցության ինչ որ ձևաչափեր։ Անշուշտ նման վիճակներում երբեք չես կարող բացառել նաև գումարային սակարկումները, բայց դրա մասին չեմ խոսա, քանզի հույս ունեմ, որ այս պահին դրան չեն հասնի։

Որպես ՀՀ քաղաքացի ես խորհուրդ կտամ Էդմոնին դադարեցնել բոլոր հանդիպումները, փակվել սենյակում և հարց տալ ինքն իրեն. Ի՞նչ Հայաստանում է ինքը ցանկանում մեծացնել իր երեխաներին. Նիկոլի միապետությունու՞մ, թե Ազատ և Անկախ Հայաստանում։ Որոշումն միայն իրենն է։
Պահի գայթակղությունն իրոք մեծ է, քաջ գիտակցում եմ, որ շատ և շատ քաղաքական միավորներ կերազեին հայտնվել նման վիճակում և լուծել իրենց նեղանձնային բազում խնդիրներ, ԲԱՅՑ այս անգամ հարցի տակ է իր իսկ երկրի ապագան։

Հույս ունեմ, որ Էդմոնը գիտակցում է իրավիճակի լրջությունը և ճիշտ որոշում կկայացնի...»:

Այս թեմայով «Թուրքերն ու ադրբեջանցիները հետևում էին կատարվողին ու ասում` փաստորեն հայերն իրար ատող ժողովուրդ են» Ստացվում է, որ առաջարկվող հուշագրի իրական իմաստը սոսկ Քոչարյանի իշխանության գալու խոչընդոտելու փորձ էր. Արա Վարդանյան Իմ դեմ միակ ցուցմունքը տվել է անձ, ում որդին այնուհետև նշանակվեց Շիրակի մարզպետ. Արա Վարդանյան Գործս վերջապես ուղարկեցին դատախազություն` դատարան ուղարկելու համար. Արա Վարդանյան Հաղթանակն ու պարտությունը մոտավորապես նույն քանակի մարդկային կորուստներ է ունեցել. Արա Վարդանյան Ապրելու իրավունքը վաստակել է պետք. Արա Վարդանյան Փաստորեն, Նիկոլի հեռացումն էլ պետք է ընդունելի լինի Հայաստանի, Արցախի և ադրբեջանի համար. Արա Վարդանյան «Երկիրն ազատ անկման մեջ է. դուք ձեր պահվածքով կա՛մ այն կանխելու եք, կա՛մ էլ օժանդակեք, ձեր որոշելիքն է» Այո, կա մարդ, որը կարող է ստանձնել ՀՀ վարչապետի պաշտոնը․ Արա Վարդանյան «Պետք է հասկանալ, թե ով է մեր երկրի վարչապետը՝ Նիկոլ Փաշինյա՞նը, թե՞ Աննա Հակոբյանը»