Արցախի հարցում Իրանի պաշտոնական դիրքորոշումը չի փոխվել. ՀՀ-ում Իրանի դեսպան

ՀՀ-ում Իրանի Իսլամական Հանրապետության դեսպան Աբբաս Բադախշան Զոհուրին հուլիսի 6-ին Հանրային հեռուստաընկերության եթերում անդրադարձել է Հայաստանի և Իրանի հարաբերություններին, տնտեսական համագործակցության զարգացմանը, ռազմավարական հարաբերություններին, հայ համայնքին և այլ թեմաների: Այս մասին տեղեկանում ենք regionmonitor.com-ից:

Դեսպանը նշել է, որ Արցախի հարցում Իրանի պաշտոնական դիրքորոշումը չի փոխվել, և այլ տեղերում հնչող կարծիքները պաշտոնական տեսակետներ չեն, հավելելով որ դիրքորոշման հետ կապված ցանկացած փոփոխություն մամուլի խոսնակի միջոցով կնշվեր: Իսրայելում ՀՀ դեսպանության բացման մասին խոսելիս դեսպանը հայտնել է՝ Թեհրանը հարգում է հարևանների որոշումները: Նրա խոսքով՝ Իսրայելը միշտ փորձել է Իրանի լավագույն հարևանների հետ հարաբերությունները փչացնել։

«Մեր մտահոգությունները միշտ հայտնում ենք պաշտոնատար անձանց հետ մեր հանդիպումների ընթացքում։ Մեր դիրքորոշումը հետևյալն է․ մենք լավ հարաբերություններ ունենք հարևանների հետ և չենք ցանկանում դրանք փչացնել»,-ասել է Զոհուրին։

«Իրանի կարևորագույն սկզբունքներից մեկը հարևաններին ուշադրություն դարձնելն է, այդ թվում՝ Հայաստանին: Կարծում եմ՝ կորոնավիրուսի արյոյւնքում երկու երկրների միջև համագործակցության հիանալի մեթոդ ձևավորվեց: Երկրների պաշտոնյաները միշտ կապի մեջ են եղել իրար հետ: Մեր նախագահը և վարչապետ Փաշինյանն ազդարարել էին, որ աշխատանքները չդադարեցվեն և տնտեսական գործակցությունն ու բեռնափոխադրումը բնականոն հունով ընթանան»,- ասել է դեսպանը:

Անդրադառնալով տնտեսական և էներգետիկ անվտանգության ոլորտում երկու երկների միջև համագործակցությանը, դեսպանն նշել է. «Վարչապետ Փաշինյանի՝ Իրան կատարած այցը հիանալի էր, ինչից հետո փոխադարձաբար ԵԱՏՄ-ի շրջանակներում ՀՀ այցելեց Իրանի նախագահը: Երկու երկների ղեկավարների միջև արդյունավետ քննարկումներ են տեղի ունեցել…: Իրանը բազմաթիվ ապրանքներ է արտահանում, ու ակնհայտ է, որ ՀՀ-ն մեր ստրատեգիական ուղղություններից մեկն է, որի հետ մեր հարաբերությունները պետք է ցանկալի մակարդակի հասցնել: Փաշինյանի ու Ռոհանիի միջև երկխոսության հարցերը եղել են գազը, էլեկտրաէներգիան, «Գազ էլեկտրաէներգիայի դիմաց» ծրագիրը և այլն: Մենք պետք է արագացնենք այդ նախագծերի իրականացումը»:

Այս թեմայով Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Իրանի դեմ պատժամիջոցների կիրառումը ոչնչի չի հանգեցնի. Ռաիսի ԵՄ-ում Հայաստանի դեսպան. ՀԱՊԿ-ը լքեց մեզ ՀՀ ֆինանսների նախարարն ընդունել է ԵՄ դեսպան Վասիլիս Մարագոսին Հայոց ցեղասպանության ժխտումը հանգեցրել է աշխարհում նոր ոճրագործությունների. Շվեդիայում ՀՀ դեսպան Պանթուրիքիստական ծրագրերը շարունակվում են. ՀՀ-ում Սիրիայի դեսպան Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել Ռուբեն Ռուբինյանն ընդունել է ՀՀ-ում Հունաստանի արտակարգ եւ լիազոր դեսպան Խրիստոս Սոֆիանոպուլոսին Ոչ մեկին չենք խնայի. Իրանի ԱԳՆ ԵՄ-ն Իրանի նկատմամբ նոր պատժամիջոցներ կսահմանի