Կարկուտը ավերել է Գյումրու «Զանգակ» մանկապարտեզը. այն պետք է հիմնովին քանդել ու նորը կառուցել

Գյումրիում հուլիսի 13-ին՝ մի քանի ժամ տեղացած հորդառատ անձրևը և կարկուտը պատճառ են դարձել տների, շենքերի նկուղների, էլեկտրամատակարարման ենթակառուցվածքների վնասման: Գյումրու մի շարք թաղամասեր ու փողոցներ ջրով էին ողողվել, իսկ  Տերյան-Ախուրյան խճուղու հատվածում մեքենաներ էին ջրասույզ եղել։

«Զանգակ» մանկապարտեզը ևս անմասն չի մնացել, ամբողջ գույքը վնասվել է: Այս մասին ԼՈՒՐԵՐ.com-ին հայտնեց մանկապարտեզի տնօրեն Սիրանուշ Մելքոնյանը: 

«Մանկապարտեզի վնասները շատ մեծ են, հիմա կիսախարխուլ վիճակում է: Փորձում ենք ինչ որ հնարավոր է՝ գույք, դիդակտիկ պարագաներ, մանկապարտեզից դուրս բերել: Ճիշտ է՝ կիսախարխուլ վիճակում է, բայց, ինչ արած, մեր ունեցածն է, պիտի դուրս բերենք»,-ասաց տնօրենը:

Մելքոնյանը նշեց, որ գույքը դուրս են բերում մանկապարտեզի աշխատակազմով, իրենց օգնում են նաև քաղաքապետարանից:

Տնօրենը ընդգծեց, որ մանկապարտեզը պարբերաբար վերանորոգել են. «Երեսուն տարվա մանկապարտեզ է, ու մինչ երեկ, նորմալ վիճակում էր: Աղետը  շատ ուժեղ էր. հեղեղ, կարկուտ, ավազ, քաղաքում ինչքան քար կար, տարածքում է ու հարակից փողոցում»:

Մելքոնյանը հայտնեց, որ մանկապարտեզի վերանորոգումը նախատեսվում է սկսել հոկտեմբերին. «Մանկապարտեզը ծրագրային վերանորոգման մեջ էր, բայց երեկվանից հետո պետք է այն ամբողջությամբ քանդել և տեղում նորը կառուցել, որովհետև այլևս հնարավոր չէ այն վերանորոգել»:

Թե ֆինանսական կողմով ինչքան վնասներ են կրել, մանկապարտեզի տնօրենը դեռևս չկարողացավ նշել:

Նշենք, որ քաղաքապետարանի առաջարկած ծրագրով վերանորոգվելու են Գյումրու բոլոր մանկապարտեզները:

Արփինե Հակոբյան

Այս թեմայով «Ո՛չ հանձնողական քաղաքականությանը, ոտքի՛»․ Գյումրիում իրազեկման ակցիա է (լուսանկարներ) Ոչ անձրև եք նայում, ոչ կարկուտ. հավաքվել, եկել եք. Բագրատ սրբազանը՝ չարենցավանցիներին Ուժգին կարկուտ Երևանում Երևան-Գյումրի ճանապարհին մեքենան դուրս է եկել երթևեկելի հատվածից և շրջվել․ կա տուժած Ցուցարարները փակել են Սպիտակ-Գյումրի ավտոճանապարհը Ավտոերթ Գյումրիում` ի աջակցություն Տավուշի (տեսանյութ) Փակ է Արմավիր Գյումրի ճանապարհը՝ Խանջյանի հատվածում (տեսանյութ) «Նիկոլ, դավաճան», «2 րոպե ժամանակ ունեք, բացեք ճանապարհը». Արմավիր-Գյումրի ճանապարհին գերլարված է (տեսանյութ) «Լավ, տոնդ փոխի այ տղա», «Հանգստացեք, արա». Արմավիր-Գյումրի ճանապարհին լարված իրավիճակ է ՈւՂԻՂ. Արմավիր-Գյումրի միջպետական ճանապարհը փակ է