Վրաստանի նախագահը վետո է դրել օտարերկրյա գործակալների մասին օրենքի վրա
Աշխարհ![Վրաստանի նախագահը վետո է դրել օտարերկրյա գործակալների մասին օրենքի վրա](/timthumb.php?src=disc/18-05-24/cf3623af6b88386c12b5bfeb61ce41ec.jpg&w=780)
Վրաստանի նախագահ Սալոմե Զուրաբիշվիլին վետո է դրել «Օտարերկրյա ազդեցության թափանցիկության մասին» օրենքի վրա։ Այդ մասին նա հայտարարել է ճեպազրույցում, հաղորդում է վրացական Առաջին ալիքը:
«Այս օրենքը որևէ փոփոխության կամ բարելավման ենթակա չէ, հետևաբար դրա վրա դրվում է շատ պարզ վետո։ Այս օրենքը պետք է չեղյալ համարվի»,- ասել է նախագահը։
Օրերս Վրաստանի խորհրդարանն ընդունել է «Օտարերկրյա ազդեցության թափանցիկության մասին» օրենքը։ Օրինագծին կողմ է քվեարկել 84 պատգամավոր, դեմ է քվեարկել 30 պատգամավոր։ Օրենքը լայնածավալ բողոքի ցույցեր է առաջացրել ողջ երկրում:
![](banners/armflix.jpg)