Պարգևավճարները դիտարկել որպես ճոխություն՝ զրպարտություն է. Հակոբ Կարապետյան

Հասարակության զգալի շրջանում սկսվեց քննարկվել քաղաքապետարանի աշխատակիցների պարգևավճար ստանալու փաստը: Որոշները կարծեցին, որ ճիշտ որոշում է, քանի որ նրանք շատ լավ աշխատանք են կատարում և արժանի են պարգևավճարներ ստանալու, իսկ մյուս մասն էլ կարծում է, որ շատ սխալ ժամանակահատված է ընտրված պարգևավճարներ ստանալու համար: Համացանցում անգամ տեղ գտավ այն խոսակցությունը, թե քաղաքապետը թաքցրել է պարգևավճարներ բաժանելու մասին տեղեկատվությունը, քանի որ ինչպես նշել էին օգտատերերից մի քանիսը՝ դա սխալ քայլ էր՝  համաճարակով և սահմանին լարված իրավիճակով պայմանավորված:  

ԼՈՒՐԵՐ.com-ը զրուցեց քաղաքապետի մամուլի խոսնակ Հակոբ Կարապետյանի հետ, ով հերքեց պարգևավճարները գաղտնի բաժանելու մասին լուրը. «Դա կեղծիք է, իրականությունը այն է, որ որևէ բան չի թաքցվել: Դա ոչ միայն կեղծիք է, այլ նաև՝ զրպարտություն, որովհետև պարգևավճարների մասին որոշումները պարտադիր են հրապարակման, և դրանք հրապարակվում են օրենքով սահմանված ժամկետներում»,- նշեց մամուլի խոսնակը:

Մենք հետաքրքրվեցինք նաև, թե որքանով է ճիշտ համաճարակային և սահմանին տիրող լարվածության պայմաններում պարգևավճարների ստացումը, ինչին ի պատասխան՝ Հակոբ Կարապետյանն ասաց. «Նախ նշեմ, որ քաղաքապետը պարգևավճարներ տալու մասին որոշումը կայացրել է սահմանային լարվածությունից առաջ, ինչ վերաբերում է համավարակի պայմաններում պարգևավճարներ տալուն, նշեմ, որ Երևանի քաղաքապետարանի պարգևավճարային ֆոնդից 100.000.000 մլն դրամ տրամադրվել է բուժհիմնարկների աշխատակիցներին:

Ընդհանրապես, պարգևավճարները ներկայացնել որպես ինչ-որ ճոխություն կամ անհարկի միջոցների վատնում,  կրկին կեղծիք և մանիպուլյացիա է այնքանով, որ երբևէ քաղաքային իշխանությունը չի թաքցրել պարգևավճարներ տալու իր մոտիվները, որը Երևանի քաղաքապետարանի աշխատակազմի շուրջ 2000 աշխատակցի վարձատրության մասն է, դա ոչ կոռումպացված չինովնիկների վատնած միջոցներն են, որոնք եղել են տարիներ շարունակ, ոչ միջոցների անհարկի վատնում է, դա քաղաքապետարանի աշխատակիցների աշխատավարձն է, որն արվում է բացահայտ, օրենքի շրջանակներում և պարբերաբար, և եթե մենք խոսում ենք քաղաքի բնակչության սոցիալական խնդիրների մասին՝ 2000 աշխատակիցների սոցիալական խնդիր է լուծում պարգևավճարը»,- եզրափակեց Հակոբ Կարապետյանը:

Զվարթ Պետրոսյան

Այս թեմայով Հողազավթված հանրային տարածքները փուլ առ փուլ վերադարձվելու են երևանցիներին. Երևանի քաղաքապետարան «Ժողովուրդ». Բոլոր ոստիկանները պարգևավճարներ են ստացել Ինչ ծառատեսակներով կփոխարինվեն Ուլնեցի փողոցի ծառերը Երևանի քաղաքապետարանի՝ բերման ենթարկված բարձրաստիճան պաշտոնյաներն ազատ են արձակվել. Հայկական ժամանակ Երևանի քաղաքապետարանի հերթական բարձրաստիճան պաշտոնյան է բերման ենթարկվել․ ՀԺ Ինչ ունեցվածք են հայտարարագրել մշտապես ստվերում գտնվող Երևանի ավագանու անդամները Հրաչյա Սարգսյանի հետ հեռանում է նաև Երևանի քաղաքապետարանի աշխատակազմի քարտուղարը Գարնանային էտով պայմանավորված մասամբ փակ կլինեն որոշ փողոցներ «Մեդլայն» ԲԿ–ի 8 աշխատակիցներ ազատության մեջ․ Sputnik Արմենիա Երևանի փոխքաղաքապետ Գևորգ Սիմոնյանը ձերբակալված չէ․ Լևոն Սարդարյան