Երեւանի ավագանու անդամները, որոնք չեն ծառայել բանակում. նրանց անունները հայտնի են

Պաշտոնյաների, նրանց տղաների եւ մերձավորների պարտադիր զինվորական ծառայություն չանցնելու փաստը քննադատվել է եւ՛ նախկին, եւ՛ ներկա իշխանությունների ժամանակ: Հանրությանը քիչ թե շատ հայտնի է, թե պետական բարձր պաշտոններ զբաղեցնող անձանցից որոնք են անցել պարտադիր զինվորական ծառայություն, իսկ որոնք՝ ոչ: Հեղափոխությունից հետո վարչապետ Նիկոլ Փաշինյանի որդին՝ Աշոտ Փաշինյանը, պարտադիր զինվորական ծառայության մեկնեց  Արցախ: Այսպիսով օրվա իշխանությունները փորձեցին ցույց տալ, որ արտոնյալներ չեն լինելու:

Արտոնյալներ չլինելն այդքան էլ իրականությանը չի համապատասխանում: ԼՈՒՐԵՐ.com-ին տեղեկություններ են փոխանցվել, որ մերձիշխանական շրջանակներում կան Նիկոլ Փաշինյանի հետ քայլած անձիք, որոնք պարտադիր զինվորական ծառայության ենթակա են, բայց բանակ չեն մեկնում: Այժմ մենք պաշտոնապես փորձում ենք ճշտել մեզ փոխանցված տեղեկությունը:

Այժմ կներկայացնենք, թե Երեւանի ավագանու անդամներից ովքեր չեն անցել պարտադիր զինվորական ծառայություն: Ավագանու 13 անդամ բանակում չի ծառայել, մեկը ստացել է տարկետում, իսկ երկուսը, ըստ ՊՆ-ի, անցել են ռազմական ամբիոն, նրանց շնորհվել է բժշկական ծառայության լեյտենանտի կոչում: Պաշտպանության նախարարությունից բանակից ազատվածների հիմքերը չեն տարամադրել՝ համարելով անձնական գաղտնիք:

Բանակում չծառայած ավագանու անդամներից է «Իմ քայլը» խմբակցության անդամ Ռուբեն Հայրապետյանը: Ավագանու այս անդամը հայտնի դարձավ ոչ թե քաղաքային խնդիրների համար լուծումներ առաջարկելով, այլ, երբ սկեց պայքարել տնտեսագիտական համալսարանի ռեկտորի պաշտոնի համար: Հիշեցնենք՝ անցած տարի ԲՈԿ-ը բացահայտեց, որ նրա գիտական աշխատանքում կան արտագրություններ եւ պատշաճ հղումներ չեն տրվել: Այստեղ ուշագրավ է այն, որ Ռուբեն Հայրապետյանը պարտադիր զինվորական ծառայությունից ազատվել էր գիտնական դառնալու համար, բայց փաստորեն տրված տարկետումը այնքան էլ նպատակին չի օգտագործվել՝ հաշվի առնելով ԲՈԿ-ի հայտարարությունը:

Բանակում չի ծառայել «Իմ քայլը» խմբակցության անդամ Արմեն Գալջյանը: Նա «Քաղաքացիական պայմանագիր» կուսակցության անդամ է, մինչ հեղափոխությունը ԱԺ-ում եղել է Նիկոլ Փաշինյանի օգնականը, երբ նա «Ելք» դաշինքի ղեկավարն էր, իսկ այժմ «Իմ քայլը» խմբակցության պատգամավոր Հայկ Գեւորգյանի օգնականն է: Արմեն Գալջյանը կենսագրական տվյալներում, ի թիվս այլ տեղեկությունների, նշել է, որ 2018 թվականի մարտի 31-ին՝ Գյումրու Վարդանանց հրապարակից մեկնարկած «Իմ քայլը» շարժման անդամ է։

Չծառայածների թվում է նաեւ Սերգեյ Ապրեսյանը: Նա մասնագիտությամբ ճարտարագետ է: Նրա մասին համացանցում քիչ տեղեկություններ կան: Աչքի չի ընկել նաեւ նիստերի ժամանակ:

«Իմ քայլից»՝ մասնագիտությամբ օպերատոր եւ լուսանկարիչ Վահե Գեւորգյանը եւս չի ծառայել բանակում: Նա աշխատել է մի շարք հեռուստաընկերություններում, իսկ 2018-ից ավագանու անդամ է:

Պարբերաբար իր հայտարարություններով քննարկումների կենտրոնում հայտնվող Գրիգոր Երիցյանը եւս պարտադիր զինվորական ծառայություն չի անցել: Նա «Հայ առաջադեմ երիտասարդություն» ՀԿ նախագահն է:

Զինվորական պարտադիր ծառայություն չանցած ավագանու հաջորդ իշխանական անդամը Լեւոն Հովհաննիսյանն է: Աշխատում է «ՎՏԲ Հայաստան Բանկ» ՓԲԸ-ում՝ որպես բանկի իրացվելիության և արժութային դիրքերի կառավարման բաժնի, Գանձապետարանի գլխավոր մասնագետ:

Ռուբեն Սիմոնյանը նույնպես չի ծառայել բանակում: Նա աշխատում է «Նեյշնլ Ինսթրումենթս Էյ Էմ» ընկերությունում` որպես նախագծերի ղեկավար:

Մեսրոպ Պապիկյանն էլ բանակում չի ծառայել: 2016 թվականից հանդիսանում է «Քաղաքացիական պայմանագիր» կուսակցության անդամ: 2017 թվականից՝ Կուսակցության մարդկային ռեսուրսների կառավարիչ: Հետագայում աշխատել է ՔՊ «Վերադարձի» հիմնադրամում՝ որպես «Քաղաքացիական պայմանագիր» կուսակցության գլխավոր գրասենյակի մենեջեր։ Ի դեպ, նա նաեւ վարչապետի խորհրդականն է եղել հասարակական հիմունքներով, բայց կարճ ժամանակ անց ազատվեց պաշտոնից:

Իշխող «Քաղաքացիական պայմանագիր» կուսակցության հիմնադիրներից, Երեւանի ավագանու «Իմ քայլը» խմբակցության ղեկավար Սուրեն Էյրամջյանը եւս չի ծառայել: Նա 2017 թվականին հիմնել է «ԷՍԻ ԹԵՔ» ՍՊԸ-ն և առ այսօր վերջինիս տնօրենն է:

Կրկին ՔՊ անդամ եւ միաժամանակ ավագանու անդամ Ավետիս Գասպարյանը չի անցել պարտադիր զինվորական ծառայություն: Նա մասնագիտությամբ ստամատալոգ է, ավագանու նիստերին ոչ այնքան ակտիվ:

Իշխանականներից զատ բանակում չեն ծառայել նաեւ ավագանու ընդդիմադիր անդամները: ԲՀԿ խմբակցությունից բանակում չեն ծառայել Միայել Մանրիկյանն ու Արմեն Ներսիսյանը, իսկ «Լույսից»՝ Դավիթ Խաժակյանը:

Իսկ ահա «Իմ քայլից» Պավել Մազմանյանը եւ Սերգեյ Սարգսյանը պարտադիր զինվորական ծառայություն չեն անցել, բայց, ըստ ՊՆ-ի, անցել են ռազմական ամբիոն, նրանց շնորհվել է բժշկական ծառայության լեյտենանտի կոչում:

«Իմ քայլից» Էդուարդ Ավետիսյանն էլ, մինչեւ 2020 թվականի ամառային զորակոչը, ստացել է տարկետում: Ի դեպ, նշենք, որ ամառային զորակոչն արդեն մեկնարկել է: 2015 թվականից Էդուարդ Ավետիսյանը հանդիսանում է «Քաղաքացիական պայմանագիր» կուսակցության անդամ: 2017 թվականին աշխատել է ՀՀ ֆինանսների նախարարությունում՝ որպես տեղեկատվական տեխնոլոգիաների պատասխանատու: 2017-2018 թթ. աշխատել է ՀՀ Ազգային ժողովում՝ պատգամավոր Լենա Նազարյանի օգնական: 2018 թ.-ից աշխատում է «Mutable» ընկերությունում՝ որպես ծրագրավորող: Մնում է հուսալ, որ Էդուարդ Ավետիսյանը չի անտեսի քաղաքական ղեկավարի՝ Նիկոլ Փաշինյանի խոսքը եւ կանցնի զինվորական պարտադիր ծառայությունը:

Այս թեմայով Պիտի 15 մլն փող մուծես, որ տղեդ բանակ չգնա, աղքատի տղերքը կգնան, աշխատող մարդու վրա թքած ունեն «Սյունիք» օդանավակայանը կարող է ծառայել միջազգային չվերթներ իրականացնելուն Պայմանագրայինների տարիքի հետ խնդիր կա. տարիքը լրանում է, բայց մարդիկ դեռ պատրաստ են ծառայել Հայաստանը, ինչպես ցանկացած ինքնիշխան պետություն, ունի ուժեղ և մարտունակ բանակ ունենալու իրավունք. Փաշինյան Մտածում էի` ԱԺ-ում մեկը կոշիկ կամ շիշ կնետեր, երբ Փաշինյանն ասում էր հայրենիքը մնացորդ է, բանակ չկա Ինչպես ազատվել քրեական պատասխանատվությունից, եթե չեք ծառայել. Հայկ Սարգսյանի օրենքի նախագիծը 100 տարի առաջ էլ հույսներս դրեցինք Արևմուտքի վրա՝ չգիտակցելով, որ տարածաշրջանում երկու բանակ կա. Շարմազանով Պատրաստ եմ ծառայել դատարանների անկախացման գործընթացին, որը տեղի է ունենում այսօր. դատավորի թեկնածու Խոստանում եմ ծառայել Երևանին, ՀՀ-ին բոլոր այն սկզբունքների հիմքով, որոնք հայտարարել ենք 2018-ին ՀՀ-ն Լեռնային Ղարաբաղում բանակ չունի․ ՀՀ ՊՆ