Ոլորտային բարեփոխումներում նոր վեկտոր մշակելու համար անհրաժեշտ են կոնկրետ քայլեր․ Ղազինյան

«Ոլորտային բարեփոխումներն առավել արդյունավետ իրականացնելու և ոլորտի զարգացման նոր վեկտոր մշակելու համար անհրաժեշտ է ձեռնարկել կոնկրետ քայլեր։

Նախ և առաջ պետք է իրականացնել կարիքի գնահատում՝ հասկանալու համար ոլորտում առկա և լուծման ենթակա խնդիրների շրջանակը։ Ապա իշխող քաղաքական թիմը այդ կարիքները պետք է համադրի իր գաղափարախոսության, կուսակցական և նախընտրական ծրագրերի հետ և ձևավորի բարեփոխումների քաղաքական օրակարգ։

Ձևավորելով քաղաքական օրակարգը, ինչպես նաև փոփոխությունների ընդհանուր ծավալի, խորության, նպատակների և ցանկությունների մասին համալիր պատկերացում, իրեն և պետությունը հարգող իշխանությունը պետք է ստեղծի ոլորտի ճանաչված գործիչներից կազմված մասնագիտական հանձանաժողով և նրա առջև ձևակերպի իր քաղաքական պահանջը, լուծման ենթակա խնդիրների շարքը և այն նպատակները, որոնց պետք հասնի հանձնաժողովն իր աշխատանքների ընթացքում։ Հանձնաժողովի խնդիրը պետք է լինի իշխանությանը ներկայացնել ոլորտի զարգացման կամ բարեփոխման հայեցակարգ/ռազմավարությունը։

Իմ պատկերացմամբ, հանձնաժողովն իր աշխատանքները պետք է կազմակերպի հնարավորինս բաց և թափանցիկ՝ քննարկումներին ներգրավվելով առավելագույն թվով շահառուների։ Իսկ եթե բարեփոխման ենթակա ոլորտն ունի ռազմավարական նշանակություն, ապա անհրաժեշտ է ներգրավվել նաև այլ քաղաքական ուժերի։

Պրոդուկտի պատրաստ լինելուց հետո այն պետք է դրվի հանրային լայն քննարկման՝ բացառելով որևէ շահառու խմբի մեկուսացումն այս քննարկումներից։

Հանրային քննարկումների ավարտին լուրջ, գրագետ և պրոֆեսիոնալ իշխանությունը ձեռնամուխ է լինում ընդունված ռազմավարության/հայեցակարգի իրագործման ճանապարհային քարտեզի մշակմանը՝ խնդիրների լուծումն ու նպատակների իրագործումն առավելագույնս երաշխավորելու նպատակով։ Մշակվում է նաև գործողությունների ծրագիր և ժամանակացույց։

Սա, կրկնում եմ, ԼՈՒՐՋ, ՊՐՈՖԵՍԻՈՆԱԼ և ԳՐԱԳԵՏ իշխանության պարագայում։

Այս գործողություններն արվում են ԲԱՑԱՌԱՊԵՍ այն իրավիճակներում, որտեղ իշխանությունն առաջնորդվում է ԱԶԳԱՅԻՆ և ՊԵՏԱԿԱՆ ՇԱՀՈՎ, ՉԻ ԿԱՏԱՐՈՒՄ ԱՐՏԱՔԻՆ ՊԱՏՎԵՐ և ԴԱՎԵՐ ՉԻ ՆՅՈՒԹՈՒՄ ՊԵՏՈՒԹՅԱՆ ՈՒ ՊԵՏԱԿԱՆՈՒԹՅԱՆ ԴԵՄ»։

Այս մասին իր ֆեյսբուքյան էջում գրել է « Մեկ Հայաստան» կուսակցության ղեկավար Արթուր Ղազինյանը։

Այս թեմայով Արցախն ընկավ. փաստացի դադարեց գոյություն ունենալ Հայաստանի երրորդ հանրապետությունը. Ղազինյան Պետք է հավատալ մեր ապագային և անբեկանելի որոշում կայացնել` չզիջել ոչ մի թիզ հայրենիք և ոչ մի պարագայում չլքել մեր տունը․ Ղազինյան Նրանց բոլորին միավորում է սերը դեպի այս իշխանություն և ատելությունն առ Արցախ և նախկին իշխանություններ․ Ղազինյան Էլ ի՞նչ լեզվով ասի այս իշխանությունը, որ Արցախն իրենց համար այլևս գոյություն չունի․ Ղազինյան Արթուր Հարությունյանն ազատվել է Գլխավոր հարկադիր կատարողի տեղակալի պաշտոնից Ադրբեջանի և Արցախի միջև բանակցություններ կարող են լինել միայն ու միայն փոխվստահության մթնոլորտում. Արթուր Թովմասյան Միասնական ու կազմակերպված աշխարհահայության համար Լաչինի միջանցքը բացելը ժամերի հարց էր․ Ղազինյան Ստախոս կա քաղաքում. Արթուր Ղազինյան Նոր աշխարհակարգ․ Ղազինյան Արդեն երրորդ տարին է, ինչ մեր տոնը մթագնվում է Հայրենիքին սպառնացող անվտանգային խնդիրների աննախադեպ ծավալներով. Վանեցյան