17.6 մլն դրամի տուգանք «Ալեքս էնդ հոլդինգի» եւ «Սիթիի» ՍՊԸ-ների նկատմամբ. ՏՄՊՊՀ

ՀՀ տնտեսական մրցակցության պաշտպանության պետական հանձնաժողովի որոշմամբ «Կարագ» ապրանքային շուկայի ուսումնասիրության շրջանակում հարուցված վարչական վարույթի արդյունքում շուրջ 17.6 մլն դրամի չափով տուգանք է կիրառվել «Սիթի» եւ նախազգուշացում «Ալեքս էնդ հոլդինգ» ՍՊԸ-ների նկատմամբ գերիշխող դիրքի չարաշահման համար: Այս մասին ֆեյսբուքյան իր էջում գրել է ՏՄՊՊՀ մամուլի քարտուղար Անի Սմբատյանը։

Նա, մասնավորապես, գրել է.

«ՏՄՊՊՀ-ն պատասխանատվության միջոցներ է կիրառել «Ալեքս էնդ հոլդինգ» եւ «Սիթի» ՍՊԸ-ների նկատմամբ գերիշխող դիրքի չարաշահման համար

ՀՀ տնտեսական մրցակցության պաշտպանության պետական հանձնաժողովի որոշմամբ «Կարագ» ապրանքային շուկայի ուսումնասիրության շրջանակում հարուցված վարչական վարույթի արդյունքում շուրջ 17.6 մլն դրամի չափով տուգանք է կիրառվել «Սիթի» եւ նախազգուշացում «Ալեքս էնդ հոլդինգ» ՍՊԸ-ների նկատմամբ գերիշխող դիրքի չարաշահման համար:

Վարույթի քննությամբ պարզվել է, որ 2018 թվականի հուլիսից մինչեւ 2020 թվականի ապրիլը ներառյալ կարագի շրջանառության ոլորտում «Սիթի» ընկերության դրսեւորած վարքագիծը խտրական պայմաններ է սահմանել եւ մուտքի խոչընդոտներ է ստեղծել այլ տնտեսվարող սուբյեկտների համար: Մասնավորապես՝ «Սիթի» ընկերությունը երկու ընկերություններից ձեռք բերված կարագի համեմատ այլ ներմուծող եւ (կամ) արտադրող տնտեսվարողներից ձեռք բերված կարագներն իրացրել է խտրական պայմաններով՝ ավելի բարձր շահութաբերությամբ, առեւտրային կետերի դարակաշարերում դրանք ներկայացրել է առավել փոքր քանակություններով, ինչն էլ հանգեցրել է այդ ապրանքների զգալի փոքր ծավալներով իրացմանը:

Միաժամանակ արձանագրվել է, որ «Ալեքս էնդ հոլդինգ» ընկերության կողմից 2018 թվականի օգոստոսից մինչեւ 2020 թվականի ապրիլը ներառյալ կարագի մեծածախ շրջանառության ոլորտում դրսեւորված վարքագիծը խտրական մոտեցումներ է պարունակում մանրածախ շրջանառության ոլորտում գործունեություն ծավալող տնտեսվարողների նկատմամբ, ինչն ընկերության կողմից ապրանքատեսակների իրացման գների սահմանման հստակ չափանիշների բացակայության արդյունք է:

«Ալեքս էնդ հոլդինգ» ՍՊԸ-ին հանձնարարվել է 1-ամսյա ժամկետում վերացնել օրենքի խախտումը՝ սահմանելով հստակ չափանիշներ ապրանքների իրացման գների եւ այլ պայմանների վերաբերյալ, «Սիթի» ՍՊԸ-ին՝ որոշումն ուժի մեջ մտնելուց հետո 3-ամսյա ժամկետում վերացնել օրենքի խախտումը` սահմանելով հստակ չափանիշներ առեւտրային ցանցում ապրանքների ընդունման, ցուցադրման, իրացման գների եւ այլ պայմանների վերաբերյալ:

Հանձնաժողովի որոշմանը կարող եք ծանոթանալ հետեւյալ հղմամբ:

Այս թեմայով «Մանչեսթեր Սիթիի» եւ «Աստոն Վիլայի» հաղթանակները (տեսանյութ) Էրլինգ Հոլանդի դուբլը նպաստեց «Մանչեսթեր Սիթիի» հաղթանակին «Նոր Զովքը» և «Ալեքս Տեսքտիլը» հայտարարագրել են 5.1 մլրդ դրամի լրացուցիչ հարկային պարտավորություն Եթե մտել ենք «Ալեքս տեքստիլ», ուրեմն կասկած կա, բայց ստուգումներ այլ տեղեր էլ կան. Բադասյան (տեսանյութ) «Ալեքս տեքստիլի» տնօրենին մեղադրանք առաջադրվեց. 1 մլրդ 144մլն դրամի հարկ չի վճարվել ՊԵԿ-ն ու ՔԿ-ն խուզարկություններ են իրականացնում «Ալեքս Տեքստիլ» ընկերությունում Թալանել են «Երևան Սիթիի» մենեջերին, հյուրանոցի և ՍՊԸ-ի տնօրեններին ու «Ինեկոբանկի» IT ղեկավարին Ծեծկռտուք՝ «Երևան Սիթիի» դիմաց․ պարեկներին տեսնելով՝ մասնակիցները դիմել են փախուստի և վնասազերծվել Դիմակավորված ու նռնակով զինված անձը «Երևան Սիթիի» տարադրամի փոխանակման կետից հափշտակել է 4,5 մլն դրամ «Ինձ համար բացարձակ անհասկանալի է, թե ինչու են Ռուսաստանին քննադատում ինչ-որ բանի համար»․ Ալեքս Փիքը՝ Ուկրաինայում տիրող իրավճակի մասին (տեսանյութ)